By સોસાયટીના આગેવાનો સાથે PIની બેઠક, સુરક્ષા વ્યવસ્થા મજબૂત કરવા સૂચના; પાલનપુર પશ્ચિમ પોલીસ મથકના PI પી.આર.મારુએ ઉનાળુ વેકેશન દરમિયાન સંભવિત ચોરીની ઘટનાઓને રોકવા માટે મહત્વનું પગલું લીધું છે. તેમણે પોલીસ સ્ટેશન વિસ્તારની વિવિધ સોસાયટીના પ્રમુખ, મહામંત્રી અને આગેવાનો સાથે હાઈવે પર આવેલી હોટલમાં બેઠક યોજી વેકેશન દરમિયાન ઘણા લોકો પોતાના વતન કે પ્રવાસે જાય છે અને ઘરમાં કિંમતી સામાન તેમજ રોકડ રકમ મૂકીને જતા હોય છે. આ સમયે ચોરીની ઘટનાઓ વધુ બને છે. આ સમસ્યાને ધ્યાનમાં રાખીને PI એ સોસાયટીના આગેવાનોને કેટલાક મહત્વના સૂચનો કર્યા.
તેમણે દરેક સોસાયટીમાં CCTV કેમેરા લગાવવા અને સિક્યુરિટી વ્યવસ્થા મજબૂત કરવા જણાવ્યું. સિક્યુરિટી ગાર્ડને સતર્ક રહેવા સૂચના આપવા કહ્યું. વિશેષમાં, સોસાયટીમાં રહેતા પરપ્રાંતીય લોકોની માહિતી પોલીસને આપવા જણાવ્યું, જેથી પોલીસ તેમની ચકાસણી કરી શકે. પશ્ચિમ પોલીસે અત્યાર સુધીમાં 60થી વધુ વ્યક્તિઓનું વેરિફિકેશન કર્યું છે અને તપાસ ચાલુ છે. આ પગલાંથી વિસ્તારમાં ગુનાખોરી ઘટાડવામાં મદદ મળશે અને રહેવાસીઓની સુરક્ષા વધુ મજબૂત બનશે.
