By પાલનપુર પાલિકા ફાયર વિભાગ દ્વારા અન્ડરવોટર ડ્રોન કેમેરાનું મંગળવારે ડેમોસ્ટ્રેશન કરવામાં આવ્યું હતું અંડર વોટર ડ્રોન કેમેરાની મદદથી પાણીમાં ડૂબેલા વ્યક્તિના મૃતદેહને શોધવામાં સફળતા મળશે. આકસ્મિક ઘટનાઓમાં પાણીમાં ડૂબી જવાથી લોકોના મૃત્યુ થતા હોય છે ત્યારબાદ તેના મૃતદેહને શોધવામાં બે થી ત્રણ દિવસનો સમય લાગી જતો હોય છે અને મૃતદેહને શોધવામાં પડતી મુશ્કેલીઓને દૂર કરવા માટે હવે ગુજરાત સરકાર દ્વારા નગરપાલિકામાં અંડર વોટર ડ્રોન કેમેરો આપવામાં આવ્યો છે આ કેમેરા થકી પાણીમાં ડૂબેલા મૃતદેહને ઝડપથી શોધીને બહાર નીકાળવામાં મદદ મળશે અંડર વોટર ડ્રોન કેમેરો રિમોટ કંટ્રોલથી એક્ટિવેટ થશે અને પાણીની અંદર ડૂબેલા વ્યક્તિને બહાર લેપટોપની ડિસ્પ્લે પર જોઈ શકાશે જેથી કરીને તેનું લોકેશન ટ્રેપ કરી મૃતદેહને બહાર કાઢવામાં આ કેમેરો મહત્વની ભૂમિકા અદા કરશે પાલનપુર ફાયર વિભાગ ના અધિકારી સાથે પાલનપુરમાં તોરણ ક્લબના સ્વિમિંગ પૂલમાં આ અંડર વોટર ડ્રોન કેમેરા નું ડેમોસ્ટ્રેશન કરવામાં આવ્યું હતું. ડેમોસ્ટ્રેશનમાં આ કેમેરો સફળ સાબિત થયો છે અને કહી શકાય કે આગામી દિવસોમાં પાણીમાં ડૂબેલા વ્યક્તિના મૃતદેહને શોધવામાં ખૂબ જ સરળતા રહેશે.
