વાયનાડમાં મૃત્યુઆંક 180 પર પહોંચ્યો, બચાવ કામગીરી ચાલુ

મુખ્યમંત્રી પિનરાઈ વિજયન સર્વપક્ષીય બેઠકની અધ્યક્ષતા કરશે. જિલ્લા વહીવટીતંત્રે જણાવ્યું કે રાજ્યના મંત્રીઓ, વાયનાડના ધારાસભ્યો અને જિલ્લામાં હાજર રાજકીય પક્ષોના નેતાઓ બેઠકમાં હાજરી આપશે. બુધવાર રાત સુધી મળેલી માહિતી મુજબ ભૂસ્ખલનની ઘટનાઓમાં 200થી વધુ લોકો ઘાયલ થયા છે. જિલ્લા વહીવટીતંત્રના જણાવ્યા અનુસાર મૃતકોમાંથી 100ની ઓળખ થઈ ગઈ છે. એક નિવેદનમાં જણાવાયું છે કે, ત્રીજા દિવસે પણ બચાવ કામગીરી ચાલુ રહી હતી અને આર્મી, નેવી અને કોસ્ટ ગાર્ડની ટીમો દ્વારા અટ્ટમાલા, મુંડક્કાઈ અને ચુરલમાલામાં સઘન શોધ અભિયાન હાથ ધરવામાં આવ્યું હતું. દરેક ટીમ સાથે એક ડોગ ટીમ પણ તૈનાત કરવામાં આવશે.