લાખણી- ડીસા હાઇવે ઉપર પોષડોડા સાથે એકની ધરપકડ

આગથળા પોલીસે કુલ રૂ.૧૦,૪૦,૦૩૫ નો મુદ્દામાલ જપ્ત કર્યો

આગથળા પોલીસે લાખણી -ડીસા હાઈવે રોડ ઉપર વાહન ચેકીંગ દરમ્યાન ક્રેટા ગાડીમાંથી માદક પદાર્થ પોષડોડા સાથે એક આરોપીને ઝડપી પાડી કાયદેસરની કાર્યવાહી હાથ ધરી છે. ચિરાગ કોરડીયા, (પોલીસ મહાનિરીક્ષક, સરહદી રેંજ કચ્છ-ભુજ) તથા અક્ષયરાજ મકવાણા, (પોલીસ અધિક્ષક બનાસકાંઠા) એ માદક પદાર્થની હેરાફેરી તથા વેંચાણ કરતા આરોપીઓને પકડી પાડવા સુચન કરેલ.જે સંદર્ભે ડીસા વિભાગના નાયબ પોલીસ અધિક્ષક સી.એલ.સોલંકીના માર્ગદર્શન હેઠળ આગથળા પીઆઈ આર.આર.રાઠવાની સૂચનાથી પોલીસ સ્ટાફના માણસો આગથળા પોલીસ સ્ટેશન સામે લાખણી -ડીસા હાઈવે રોડ ઉપર વાહન ચકીંગ કરતા હતા.તે દરમ્યાન આરોપી બાબુજી ખેતાજી જાટ (રહે. લક્ષ્મીપુરા તા.ડીસા) ના કબજાની હ્યુડાઈ કંપનીની ક્રેટા ગાડી (નં.GJ-08-DJ-1976) ની ડેકીની અંદર સ્પેરવિલ મુકવાની જગ્યામાંથી પોષડોડા ૨.૯૨૫ કિ.ગ્રા કિ.રૂ.૮,૭૭૫/-તથા રોકડ રકમ ૨૧,૨૬૦/- તથા ક્રેટા ગાડી કી.રૂ.૧૦,૦૦,૦૦૦/- તથા અન્ય મુદ્દામાલ મળી કુલ કિ.રૂ.૧૦,૪૦,૦૩૫/-નો મુદામાલ કબજે કરી પોલીસે એનડીપીએસ એક્ટ મુજબ મુદ્દામાલ જપ્ત કરી આરોપી સામે કાયદેસરની કાર્યવાહી હાથ ધરી છે.