PM મોદીની આંગળીઓમાં એવું તો શું થયું કે નીતીશ કુમાર ચેક કરવા લાગ્યા?
બુધવારે PM નરેન્દ્ર મોદીએ બિહારના રાજગીરમાં નાલંદા યુનિવર્સિટીના નવા કેમ્પસનું ઉદ્ઘાટન કર્યું છે. પોતાના સંબોધનમાં પીએમ મોદીએ પ્રાચીન નાલંદા વિશ્વવિદ્યાલયના વિનાશને યાદ કરીને કહ્યું કે જ્વાળાઓ પુસ્તકોને બાળી શકે છે, પરંતુ જ્ઞાનને નહીં. આ પ્રસંગે બિહારના મુખ્યમંત્રી નીતિશ કુમાર પણ પીએમ મોદી સાથે હતા. પીએમ મોદી જ્યારે નીતિશ કુમારની પાસે બેઠા હતા ત્યારે અચાનક નીતીશે તેમનો હાથ પકડીને આંગળી તપાસવાનું શરૂ કર્યું. હવે આ ઘટનાનો વીડિયો ઘણો વાયરલ થઈ રહ્યો છે.
VIDEO | #Bihar CM Nitish Kumar checks PM Modi's finger for indelible ink mark during the inauguration event of new campus of #NalandaUniversity in Rajgir.
(Full video available on PTI Videos – https://t.co/n147TvqRQz) pic.twitter.com/uBkthqzxMm
— Press Trust of India (@PTI_News) June 19, 2024
સોશિયલ મીડિયા પર વાયરલ થયેલા વીડિયોમાં જોઈ શકાય છે કે વડાપ્રધાન નરેન્દ્ર મોદી અને બિહારના મુખ્યમંત્રી નીતિશ કુમાર નાલંદા યુનિવર્સિટીના નવા કેમ્પસના ઉદ્ઘાટન સમયે સાથે બેઠા છે. આ દરમિયાન નીતીશ કુમારે અચાનક પીએમ મોદીનો હાથ પકડીને તેમની આંગળી તપાસી. આ પછી નીતીશ પણ આંગળી બતાવે છે. મળતી માહિતી મુજબ, નીતિશ કુમારે પીએમ મોદીની આંગળી પર ચૂંટણી શાહીનું નિશાન ચેક કર્યું હતું.