વિનેશ ફોગાટ અને બજરંગ પુનિયા આજે કોંગ્રેસમાં જોડાશે, વિધાનસભા ચૂંટણી લડવાની અટકળો તેજ

હરિયાણા વિધાનસભા ચૂંટણી 2024નો જંગ રસપ્રદ બની ગયો છે. મતદાનને આડે એક મહિનાથી પણ ઓછો સમય બાકી છે. આવી સ્થિતિમાં આખરે એવા સમાચાર આવ્યા છે જેના વિશે છેલ્લા ઘણા દિવસોથી અટકળો લગાવવામાં આવી રહી હતી. મળતી માહિતી મુજબ, કુસ્તીબાજ બજરંગ પુનિયા અને વિનેશ ફોગાટ શુક્રવારે દિલ્હીમાં કોંગ્રેસ અધ્યક્ષ મલ્લિકાર્જુન ખડગેના નેતૃત્વમાં કોંગ્રેસમાં જોડાશે. બંને કુસ્તીબાજો બપોરે 1 વાગે કોંગ્રેસમાં જોડાશે.

રેસલર વિનેશ ફોગાટ અને બજરંગ પુનિયા ગયા ગુરુવારે દિલ્હીમાં કોંગ્રેસના સાંસદ રાહુલ ગાંધીને મળ્યા હતા. રાહુલ ગાંધીને મળ્યા બાદ કુસ્તીબાજ વિનેશ ફોગાટ અને બજરંગ પુનિયા પણ કોંગ્રેસ પાર્ટીના મહાસચિવ કેસી વેણુગોપાલને મળ્યા હતા. ત્યારથી બંને કોંગ્રેસમાં જોડાશે તેવી અટકળો ચાલી રહી હતી.