ભારત-અમેરિકા વચ્ચે થયા આ 5 મહત્વના કરાર, BECA પર મહોર વાગતા જ ચીનની વધી મુશ્કેલી

ભારત અને અમેરિકા વચ્ચે ઐતિહાસિક Basic Exchange and Cooperation Agreement (BECA) કરાર પર હસ્તાક્ષર થઇ ગયા છે. મંગળવારે બંને દેશો વચ્ચે 2 + 2 વાટાઘાટો થઈ હતી, જેમાં બંને દેશોના સંરક્ષણ અને વિદેશ પ્રધાનો મળ્યા હતા. યુએસના વિદેશ સચિવ માઇક પોમ્પિયો, સંરક્ષણ પ્રધાન માર્ક એસ્પર મંગળવારે એક બેઠક માટે હૈદરાબાદ હાઉસ પહોંચ્યા હતા.

સંરક્ષણ પ્રધાન રાજનાથસિંહે પોતાના નિવેદનમાં કહ્યું હતું કે ભારત અને અમેરિકા વચ્ચેની મિત્રતા સતત મજબૂત થઈ છે, 2 + 2 બેઠકમાં પણ બંને દેશોએ અનેક મુદ્દાઓ પર ચર્ચા કરી હતી. જેમાં કોરોના કટોકટી પછીની પરિસ્થિતિ, વિશ્વની વર્તમાન સ્થિતિ, સુરક્ષાના મુદ્દાઓ પર ઘણા મહત્વના મુદ્દાઓ પર વિગતવાર ચર્ચા કરવામાં આવી હતી. સંરક્ષણ પ્રધાન રાજનાથ સિંહના જણાવ્યા અનુસાર, બંને દેશોએ પરમાણુ સહયોગ વધારવા માટેનાં પગલાં લીધાં છે, અને સાથે સાથે ભારતીય ઉપખંડમાં સુરક્ષા પરિસ્થિતિ વિશે વિગતવાર વાત કરી હતી.

2 + 2 બેઠક પછી, યુએસના વિદેશ સચિવ માઇક પોમ્પીયો વડા પ્રધાન નરેન્દ્ર મોદીને મળ્યા. ભારત અને અમેરિકા વચ્ચે 2 + 2 સંવાદ ખૂબ જ મહત્વપૂર્ણ છે, જ્યાં બંને દેશોના સંરક્ષણ અને વિદેશ પ્રધાનો ઘણા વિષયો પર વિચાર કર્યો છે.બંને દેશો વચ્ચે BECA પર સહમતી થઈ છે. જે પછી બંને દેશો લશ્કરી માહિતી એકબીજાને વહેંચવામાં સમર્થ હશે, સેટેલાઇટ અને અન્ય મહત્વપૂર્ણ ઇનપુટ્સ બંને એકબીજાને કોઈપણ અવરોધ વિના આપી શકશે.

આ બેઠક ઉપરાંત રાષ્ટ્રીય સુરક્ષા સલાહકાર અજિત ડોભાલે યુએસ વિદેશ સચિવ અને સંરક્ષણ પ્રધાન સાથે પણ મુલાકાત કરી હતી અને અનેક મુદ્દાઓ પર ચર્ચા કરી હતી.

વાતચીત શરૂ થાય તે પહેલાં, યુએસના વિદેશ સચિવ માઇક પોમ્પિયોએ દિલ્હીમાં વૉર મેમોરિયલ જઇને શહીદોને શ્રદ્ધાંજલિ આપી હતી. આ સમય દરમિયાન, યુએસ સંરક્ષણ પ્રધાન માર્ક એસ્પર પણ તેમની સાથે હાજર હતા.

સોમવારે સંરક્ષણ પ્રધાન રાજનાથ સિંહ અને વિદેશ પ્રધાન એસ. જયશંકરે તેમના સમકક્ષો સાથે દ્વિપક્ષીય વાટાઘાટો તેમજ અમેરિકન મહેમાનો માટે વિશેષ રાત્રિભોજન કર્યું હતું. હવે મંગળવારે 2 + 2 ની વાતચીત બાદ અમેરિકી વિદેશ સચિવ અને સંરક્ષણ પણ બપોરે વડા પ્રધાન નરેન્દ્ર મોદીને મળશે.