રોજ દોડવા જતી યુવતી ૪ મહિનાથી નથી કરતી સ્નાન

નવી દિલ્હી,  મનુષ્ય અને પ્રાણીઓ વચ્ચેનો તફાવત એ છે કે માણસો તેમની સ્વચ્છતાનું ધ્યાન રાખે છે અને સારા દેખાવા માંગે છે, જ્યારે પ્રાણીઓમાં એટલી સમજ હોતી નથી. જો માણસો પણ પશુઓ જેવું વર્તન કરશે તો સમાજમાં જીવવું મુશ્કેલ બનશે. આવું જ કંઈક એક મહિલા સાથે થયું, જ્યારે તેને તેના રૂમમેટ વિશે ઘૃણાસ્પદ સત્ય જાણવા મળ્યું તો તે એક દિવસ સહન ન કરી શકી. મહિલાએ તેના રૂમમેટને ૪ મહિનામાં કયારેય નહાતા જોઈ નહોતી,

જ્યારે તે દરરોજ જોગિંગ માટે જાય છે. જ્યારે હદ થઈ ગઈ ત્યારે તેણે મોટો નિર્ણય લીધો અને તેને ઘરની બહાર કાઢી મૂકયો. તેણે પોતે આ ઘટનાનેRedditપર લાેકો સાથે શેર કરી છે અને લોકોને પૂછયું છે કે તેણે સાચું કર્યું કે ખોટું. રિપોર્ટ અનુસાર, મહિલાએRedditપર એક પોસ્ટ મૂકી અને જણાવ્યું કે તેના એક ફ્લેટમેટે ઝીરો લેવલની સ્વચ્છતા જાળવી રાખી છે. તેઓ ૪ મહિના સુધી સાથે રહેતા હતા અને તે કયારેય સ્નાન કરતી નહોતી. તે દરરોજ ૨ કલાક જોગિંગ માટે જતી અને કયારેય પાછી આવીને નહાતી નથી. આખરે પરિસ્થિતિ એવી બની કે દુર્ગંધને કારણે તેની પાસે ઊભા રહેવું પણ મુશ્કેલ થઈ ગયું.

તેની સાથે વાત કર્યા પછી પણ તે નહાવાની વાત મુલતવી રાખતી હતી. આખરે, તે આ બાબતને તેના મકાનમાલિક પાસે લઈ ગઈ, જેણે ફ્લેટમેટને એક મહિનામાં ઘર છોડવાની નોટિસ આપી. મહિલાએ આ વિશે લોકોનો અભિપ્રાય પૂછયો કારણ કે કેટલાક લોકોએ કહ્યું કે ક્રિસમસ પહેલા તરત જ તેમને આ રીતે ઘરની બહાર કાઢવું યોગ્ય નથી. તે જ સમયે,Redditપર લોકોએ મહિલાના નિર્ણયને યોગ્ય ઠેરવ્યો અને કહ્યું કે તેણે કંઈ ખોટું કર્યું નથી અને તેને ઘરમાંથી કાઢી મૂકવાનો નિર્ણય એકદમ યોગ્ય છે. બીજી તરફ, કેટલાક લોકોએ તેમના આવા જ અનુભવ વિશે જણાવ્યું અને કહ્યું કે તેઓ એવા લોકોને પણ મળ્યા છે, જેઓ વર્ષોથી સ્નાન કરતા નથી અથવા તેમની બેડશીટ બદલતા નથી.