બદ્રીનાથ હાઈવે પર ભયંકર ભૂસ્ખલન, રસ્તાઓ બંધ; જુઓ વિડિયો

ઉત્તરાખંડમાં ચોમાસાની એન્ટ્રી બાદ સતત વરસાદ શરૂ થઈ ગયો છે. જ્યાં એક તરફ વરસાદના કારણે લોકોને ગરમીમાંથી રાહત મળી છે તો બીજી તરફ લોકોની મુશ્કેલીમાં વધારો થયો છે. બુધવારે (10 જુલાઈ) બદ્રીનાથ રાષ્ટ્રીય ધોરીમાર્ગ પર એક પહાડ તૂટી પડવાને કારણે ભૂસ્ખલનની સમસ્યા સામે આવી છે, જેના પછી રસ્તો બ્લોક થઈ ગયો છે. સદ્દનસીબ વાત એ છે કે અકસ્માતમાં કોઈ જાનહાનિ થઈ નથી.

𝐑𝐨𝐚𝐝 𝐔𝐩𝐝𝐚𝐭𝐞

बद्रीनाथ राष्ट्रीय राजमार्ग पर पातालगंगा लंगसी टनल के पास पहाड़ी से भूस्खलन होने के कारण सड़क मार्ग अवरुद्ध हो गया है।#UttarakhandPolice @chamolipolice pic.twitter.com/kx2kOSfpJs

— Uttarakhand Police (@uttarakhandcops) July 10, 2024

પહાડનો કાટમાળ રસ્તા પર પડ્યો

રાજ્યમાં સતત પડી રહેલા વરસાદને કારણે પહાડો નબળા બની રહ્યા છે જેના કારણે રસ્તાઓ પર પહાડનો કાટમાળ પડતાં ગામડાઓના રાજ્ય માર્ગો અને રાષ્ટ્રીય ધોરીમાર્ગો અવરોધાઈ રહ્યા છે. આ સિવાય ઉત્તરાખંડમાં કેટલાક દિવસોથી ભારે વરસાદને કારણે ભૂસ્ખલન જેવી સ્થિતિ સર્જાઈ છે. મંગળવારે પણ ઉત્તરાખંડના જોશી માટમાં પર્વતનો એક ભાગ ધરાશાયી થવાને કારણે મોટી સંખ્યામાં લોકોને ટ્રાફિક જામની સમસ્યાનો સામનો કરવો પડ્યો હતો. બદ્રીનાથ નેશનલ હાઈવે પર જોશીમઠ TCP પાસે પહાડીનો એક ભાગ તૂટી પડવાને કારણે હાઈવે બંધ થઈ ગયો છે. પહાડ પરથી પડેલો કાટમાળ રસ્તા પર આવી ગયો, જેના કારણે રસ્તાની બંને બાજુ વાહનો ફસાયા છે.