ટેલિ-માનસ સેલ સેનાના જવાનોના માનસિક સ્વાસ્થ્યની સંભાળ લેશે, 24×7 કામ કરશે
આરોગ્ય અને પરિવાર કલ્યાણ મંત્રાલય અને સંરક્ષણ મંત્રાલય વચ્ચે આર્મ્ડ ફોર્સિસ મેડિકલ કોલેજ, પુણે ખાતે નેશનલ ટેલી સાયકિયાટ્રિક હેલ્પલાઇનના વિશેષ સેલના સંચાલન માટે એક એમઓયુ પર હસ્તાક્ષર કરવામાં આવ્યા છે. આ એમઓયુ પર આરોગ્ય અને પરિવાર કલ્યાણ મંત્રાલયના એએસ અને એમડી, આરાધના પટનાયક અને સશસ્ત્ર દળોની તબીબી સેવાઓના મહાનિર્દેશક લેફ્ટનન્ટ જનરલ દલજીત સિંહે હસ્તાક્ષર કર્યા હતા. ટેલિમાનસ હેલ્પલાઇનનો ઉદ્દેશ સશસ્ત્ર દળોના કર્મચારીઓની માનસિક સ્વાસ્થ્ય જરૂરિયાતોને તાત્કાલિક અને અસરકારક રીતે સંબોધવાનો છે. સ્પેશિયલ ટેલિ-માનસ સેલ પુણે સ્થિત મેડિકલ કોલેજમાં બે વર્ષ માટે પાયલોટ પ્રોજેક્ટ તરીકે કામ કરશે..
ભારતીય સેના દ્વારા જારી કરવામાં આવેલી પ્રેસ રીલીઝ મુજબ, સ્પેશિયલ ટેલિ-માનસ સેલનું ઉદ્ઘાટન ડિસેમ્બર 1, 2023નાં પુણેનાં આર્મ્ડ ફોર્સિસ મેડિકલ કોલેજમાં ખાતે આરોગ્ય અને પરિવાર કલ્યાણ મંત્રાલયના વરિષ્ઠ અધિકારીઓની હાજરીમાં ચીફ ઓફ ડિફેન્સ સ્ટાફ જનરલ અનિલ ચૌહાને કર્યું હતું. રિલીઝમાં કહેવામાં આવ્યું છે કે ભારતીય સેનામાં ઘણા પ્રકારના તણાવ જોવા મળી રહ્યા છે. જે બાદ સશસ્ત્ર દળોમાં ટેલી-મેન્ટલ હેલ્થ સર્વિસની જરૂરિયાત અનુભવાઈ છે. ઓપરેશનલ વાતાવરણ, સાંસ્કૃતિક પડકારો અને પ્રાદેશિક સંઘર્ષોથી સંબંધિત ચોક્કસ તણાવને જોતાં સશસ્ત્ર દળોમાં માનસિક સ્વાસ્થ્ય સંભાળની વિશેષ જરૂરિયાત છે. તે જ સમયે, એમઓયુ પર હસ્તાક્ષર કર્યા પછી, સશસ્ત્ર દળોના જવાનો અને તેમના પરિવારોના માનસિક સ્વાસ્થ્યનું ધ્યાન રાખવામાં આવશે.
You may also like
