NEET મામલે આજે સુપ્રીમ સુનાવણી, પેપર લીકનાં આરોપનો મોટો ખુલાસો, શું છે તેજસ્વી યાદવ સાથે આ કિસ્સાનો સંબંધ  

મેડિકલ કોલેજોમાં પ્રવેશ માટે લેવામાં આવતી નેશનલ એલિજિબિલિટી કમ એન્ટ્રન્સ ટેસ્ટ NEET UG પરીક્ષાને લઈને દેશભરમાં હોબાળો ચાલી રહ્યો છે. વિદ્યાર્થીઓ પેપર રદ કરવાની તેમની માંગ પર અડગ છે. તે જ સમયે, આજે સુપ્રીમ કોર્ટમાં 8 અરજીઓ પર સુનાવણી થશે. આમાંની એક અરજી કોમ્યુનિસ્ટ પાર્ટીની એક એકમ SFI દ્વારા પણ દાખલ કરવામાં આવી છે. આ સાથે કોર્ટ 20 વિદ્યાર્થીઓની અરજી પર પણ સુનાવણી કરશે જેમાં સીબીઆઈ અથવા અન્ય કોઈ એજન્સી દ્વારા પરીક્ષાની તપાસ સુપ્રીમ કોર્ટની દેખરેખ હેઠળ કરાવવાની માંગ કરવામાં આવી છે. બીજી તરફ બિહારમાં ચાલી રહેલી પેપર લીકની તપાસમાં એક સનસનીખેજ વાત સામે આવી છે. આરોપીની પૂછપરછ બાદ જપ્ત કરાયેલા દસ્તાવેજોમાં મંત્રીનો ઉલ્લેખ છે.

ભાજપનો આરોપ છે કે આ મંત્રી બીજું કોઈ નહીં પણ લાલુ યાદવના પુત્ર તેજસ્વી યાદવ છે. હવે આ આરોપ બાદ પેપર લીક પર રાજકારણ તેજ થઈ ગયું છે. તેમજ આ કેસમાં ધરપકડ કરાયેલા વિદ્યાર્થીએ અનેક સનસનીખેજ ખુલાસા કર્યા છે. તેણે કબૂલ્યું કે પરીક્ષાના પ્રશ્નો એ જ હતા જે તેને આગલી રાત્રે આપવામાં આવ્યા હતા.

હાઈકોર્ટમાં દાખલ કરાયેલી અરજીઓને સુપ્રીમ કોર્ટમાં ટ્રાન્સફર કરવાની માંગ

સાથે જ NTA દ્વારા દાખલ કરવામાં આવેલી 10 અરજીઓ પર પણ સુનાવણી કરવામાં આવશે. NTAએ દેશની અન્ય હાઈકોર્ટમાં દાખલ કરાયેલી અરજીઓને સુપ્રીમ કોર્ટમાં ટ્રાન્સફર કરવાની માંગ કરી છે. આ બધા ઉપરાંત, NEET પેપાલ લીક મુદ્દે બિહારનું રાજકારણ ગરમાયું છે જ્યાં પેપર લીક તેજસ્વી યાદવ સાથે જોડાયેલ હોવાના આરોપો લગાવવામાં આવી રહ્યા છે.