મથુરામાં અજીબ કિસ્સો, એક જ નંબર પ્લેટની બે ગાડીઓ

યુપીના મથુરામાંથી એક ચોંકાવનારો કિસ્સો સામે આવ્યો છે. અહીં એક જ નંબર પ્લેટવાળી બસ અને એક કાર ચાલી રહી હતી. આ અંગે આરટીઓને જાણ થતાં અધિકારીઓ પણ સ્તબ્ધ થઇ ગયા હતા અને આ બંને વાહનો જપ્ત કરવામાં આવ્યા હતા.

આ મામલે મથુરાના આસિસ્ટન્ટ આરટીઓ મનોજ કુમારનું નિવેદન સામે આવ્યું છે. “બે વાહનો – એક બસ અને એક કાર – એક જ વાહનની નોંધણી નંબર પ્લેટનો ઉપયોગ કરતા જોવા મળ્યા,” તેમણે કહ્યું. નકલી નંબર પ્લેટ લગાવનાર સામે કાર્યવાહી કરવામાં આવશે.

મીડિયા રિપોર્ટ્સ અનુસાર, આ મામલો બુધવારે પ્રકાશમાં આવ્યો જ્યારે એક કાર માલિકે એક સ્કૂલ બસને જોઈ જેની નંબર પ્લેટ કારની નંબર પ્લેટ સાથે બરાબર મેળ ખાતી હતી. આ પછી જ્યારે આ મામલો પોલીસ સ્ટેશને પહોંચ્યો તો અધિકારીઓ પણ આશ્ચર્યચકિત થઈ ગયા. આ પછી કેસની તપાસ શરૂ કરવામાં આવી હતી.

કાર માલિકની અર્ટિગા કારનો નંબર UP85 DT1234 હતો અને આ જ નંબર કોલેજ બસનો પણ હતો. કાર માલિકે બસને જોઈ ત્યારે બસમાં વિદ્યાર્થીઓ પણ હતા. બસ ડ્રાઈવર સાથેની દલીલ બાદ કાર માલિકે પોલીસને બોલાવી હતી.