ચાંદીની ચમક થઇ તેજ! જાણો આજના સોના-ચાંદીનાં ભાવ

જુલાઈ મહિનો ઘણા ફેરફારો સાથે શરૂ થયો છે. શેરબજારની વાત કરીએ તો સેન્સેક્સમાં 400 પોઈન્ટનો અને નિફ્ટી-ફિફ્ટીમાં 100થી વધુનો ઉછાળો જોવા મળ્યો હતો. જ્યારે સોના અને ચાંદીની વાત કરીએ તો આજે એટલે કે 1 જુલાઈ 2024ના રોજ ચાંદીના ભાવમાં વધારો જોવા મળ્યો છે. જ્યારે સોનાની કિંમતમાં કોઈ ફેરફાર થયો નથી. છેલ્લા કેટલાક દિવસોથી સોના અને ચાંદીના ભાવમાં સતત વધઘટ જોવા મળી રહી છે.

ચાંદી મોંઘી થઈ 

આજે સોનાનો ભાવ એટલો જ છે. 22 કેરેટ સોનું 66,250 રૂપિયા પ્રતિ 10 ગ્રામ અને 24 કેરેટ સોનું 72,280 રૂપિયા પ્રતિ 10 ગ્રામ છે. ચાંદીની વાત કરીએ તો તેની કિંમત 1 કિલો દીઠ 200 રૂપિયા વધી છે. 1 કિલો ચાંદીની કિંમત 90,000 રૂપિયાને બદલે 90,200 રૂપિયા પ્રતિ કિલો થઈ ગઈ છે.