મહારાષ્ટ્ર ચૂંટણી માટે શિવસેનાની બીજી યાદી જાહેર, મિલિંદ દેવરાએ વર્લીથી આદિત્ય ઠાકરે સામે બનાવ્યા ઉમેદવાર

એકનાથ શિંદે જૂથની શિવસેનાએ મહારાષ્ટ્ર વિધાનસભા ચૂંટણી માટે તેના ઉમેદવારોની બીજી યાદી જાહેર કરી છે. આ યાદીમાં 20 ઉમેદવારોના નામ જાહેર કરવામાં આવ્યા છે. આ યાદીમાં ઘણા મોટા નેતાઓના નામ સામેલ છે. મિલિંદ દેવરાને વર્લીથી ઉમેદવાર બનાવવામાં આવ્યા છે. ઉદ્ધવ ઠાકરેના પુત્ર આદિત્ય ઠાકરે વર્લીથી ચૂંટણી લડી રહ્યા છે. આદિત્ય ઠાકરે 2019ની વિધાનસભા ચૂંટણીમાં વરલી સીટ પરથી પ્રથમ વખત ધારાસભ્ય તરીકે ચૂંટાયા હતા. આવી સ્થિતિમાં વરલીની લડાઈ હવે રસપ્રદ બની ગઈ છે.

નિલેશ રાણે કુડાલથી શિંદે જૂથના ચિહ્ન પર ચૂંટણી લડશે. કુડાલમાં રાણેનો મુકાબલો ઠાકરે જૂથના ધારાસભ્ય વૈભવ નાઈક સાથે થશે. મુરજી પટેલને અંધેરી પૂર્વથી ઉમેદવાર જાહેર કરવામાં આવ્યા છે. રિસોદથી ભાવના ગવળીને ઉમેદવાર જાહેર કરાયા છે. પુરંદરથી વિજય શિવતારેને મેદાનમાં ઉતારવામાં આવ્યા છે.