રાજ્યમાં વરસાદ અને પૂરે મચાવી તબાહી, ત્રણ માળની ઈમારત ધરાશાયી થતાં 3 લોકોનાં મોત, મુખ્યમંત્રીએ હવાઈ નિરીક્ષણ કર્યું

રાજ્યમાં છેલ્લા બે દિવસથી મુશળધાર વરસાદ ચાલુ છે, જેના કારણે અનેક ભાગોમાં પૂરની સ્થિતિ સર્જાઈ છે. ગુજરાતના કચ્છમાં પણ પૂરનો કહેર યથાવત છે. ભારે વરસાદને કારણે અવડાસામાં સંઘાણા નદીમાં પૂર આવ્યું છે. પૂરના કારણે 15 જેટલી ગાયો નદીમાં વહી ગઈ હતી. ગુજરાતના અનેક જિલ્લાઓમાં ભારે વરસાદને કારણે સ્થિતિ વણસી છે. પૂરની સ્થિતિને જોતા સરકારે અસરગ્રસ્તોને તમામ શક્ય મદદ આપવાનો નિર્દેશ આપ્યો છે. 

તેમણે કહ્યું, “જિલ્લા વહીવટીતંત્રને ભારે વરસાદ દરમિયાન લોકોની સુરક્ષા માટે ઝડપથી કામ કરવાનો નિર્દેશ આપવામાં આવ્યો છે. સાથે જ, વિસ્થાપિત લોકોને તમામ પ્રાથમિક સુવિધાઓ મળી રહે તે માટે જરૂરી સૂચનાઓ આપવામાં આવી છે.” દરમિયાન પશ્ચિમ કચ્છના પોલીસ અધિકારીઓએ લુણી ગામમાં નદીમાં ફસાયેલા પાંચ લોકોના જીવ બચાવ્યા હતા.