આકાશમાંથી વરસી આફત, વીજળી પડવાથી 7ના મોત; મુખ્યમંત્રીએ વળતરની જાહેરાત કરી

બિહારના અનેક જિલ્લાઓમાં ભારે વરસાદ પડી રહ્યો છે. છેલ્લા 24 કલાકમાં બિહારના 6 જિલ્લામાં વીજળી પડવાથી 7 લોકોના મોત થયા છે. મુખ્યમંત્રીએ આ ઘટના પર દુખ વ્યક્ત કર્યું છે. મૃતકોના પરિવારજનોને 4-4 લાખ રૂપિયાનું વળતર આપવાની પણ જાહેરાત કરવામાં આવી છે. ખરાબ હવામાન વચ્ચે સીએમ નીતિશ કુમારે પણ રાજ્યના લોકોને ખાસ અપીલ કરી છે.

ભારે વરસાદ દરમિયાન વીજળી પડવાને કારણે ઔરંગાબાદમાં 2, બક્સરમાં 1, ભોજપુરમાં 1, રોહતાસમાં 1, ભાગલપુર અને દરભંગા જિલ્લામાં 1-1 લોકોએ જીવ ગુમાવ્યો છે. વીજળી પડતાં મૃતકોના પરિવારજનોમાં ચકચાર મચી જવા પામી હતી.

CM એ આપી સૂચના 

મૃતકોના પરિવારજનોને વળતરની જાહેરાત કરતી વખતે મુખ્યમંત્રીએ લોકોને ખાસ અપીલ પણ કરી છે. સીએમ નીતિશ કુમારે સોશિયલ મીડિયા પ્લેટફોર્મ X પર કહ્યું કે ખરાબ હવામાનમાં સાવધાન રહેવું. ડિઝાસ્ટર મેનેજમેન્ટ વિભાગ દ્વારા સમયાંતરે આપવામાં આવતા સૂચનોનું પાલન કરો. પ્રતિકૂળ હવામાન દરમિયાન ઘરની અંદર રહો અને સુરક્ષિત રહો.