રાહુલ ગાંધી મણિપુર હિંસા પ્રભાવિત લોકોને મળ્યા – પૂર પીડિતોની પણ અનુભવી પીડા અને વેદના

લોકસભામાં વિપક્ષના નેતા અને કોંગ્રેસના સાંસદ રાહુલ ગાંધી સોમવારે (8 જુલાઈ) મણિપુરના જીરીબામ જિલ્લાના વિસ્થાપિત લોકોને મળ્યા, જેઓ આસામમાં આશ્રય લઈ રહ્યા છે. ગાંધી સવારે 10 વાગ્યાની આસપાસ સિલ્ચર એરપોર્ટ પહોંચ્યા અને થાલાઈમાં રાહત શિબિરમાં રહેતા લોકોને મળવા માટે કચરના લખીપુરના હમરહવલિન વિસ્તારમાં ગયા હતા.

રાહત શિબિરની મુલાકાત લીધા પછી, રાહુલ ગાંધી રોડ માર્ગે મણિપુરના જીરીબામ જશે, જ્યાં તેઓ જીરીબામ ઉચ્ચ માધ્યમિક શાળામાં રાહત શિબિરની મુલાકાત લેશે. ત્યાંથી તે રોડ માર્ગે સિલચર પરત ફરશે અને મણિપુરની રાજધાની ઇમ્ફાલ માટે સ્પેશીયલ ફ્લાઇટમાં જશે.

રાજ્યપાલને મળશે

ઇમ્ફાલ પહોંચ્યા બાદ, તેઓ રોડ માર્ગે ચુરાચંદપુર જિલ્લામાં જશે અને તુઇબોંગ મંડપ ખાતેના રાહત શિબિરની મુલાકાત લેશે. દિવસ બાદ, તે રોડ માર્ગે મેઇતેઇ-પ્રભુત મોઇરાંગ જશે અને ફુબાલા હાઇસ્કૂલ ખાતે અન્ય રાહત શિબિરની મુલાકાત લેશે. રાહુલ ગાંધી ઇમ્ફાલ જશે જ્યાં તેઓ રાજભવન ખાતે રાજ્યપાલ અનુસુયા ઉઇકેને મળશે.