અમેરિકી સંસદમાં PM મોદીનું ભાષણ, સાંસદો 15 વખત ઉભા થયા, 79 વાર તાળીઓ વગાડી

અમેરિકી સંસદના સંયુક્ત સત્રને સંબોધિત કરતા વડાપ્રધાન નરેન્દ્ર મોદીએ રશિયા અને યુક્રેન વચ્ચે ચાલી રહેલા યુદ્ધને કારણે થયેલા નુકસાનનો ઉલ્લેખ કર્યો અને આતંકવાદનો મુદ્દો પણ ઉઠાવ્યો. આતંકવાદને વિશ્વ માટે ખતરો ગણાવતા પીએમ મોદીએ કહ્યું કે અમેરિકામાં 9/11ના હુમલા બાદ 26/11ના મુંબઈ હુમલાના એક દાયકાથી વધુ સમય બાદ પણ આતંકવાદ અને કટ્ટરપંથી વિશ્વ માટે ખતરો છે. પીએમ મોદીના ઐતિહાસિક સંબોધન દરમિયાન અમેરિકી સંસદમાં જોરથી તાળીઓનો ગડગડાટ થયો હતો.

જ્યારે વડા પ્રધાન નરેન્દ્ર મોદી યુએસ કોંગ્રેસના સંયુક્ત સત્રમાં ભાષણ આપી રહ્યા હતા, ત્યારે તેમના સંબોધન દરમિયાન, યુએસ સાંસદોએ ઓછામાં ઓછા 15 વખત ઊભા થઈને તાળીઓ વગાડી હતી. આટલું જ નહીં, કુલ 79 વખત તાળીઓ વાગી. યુએસ કોંગ્રેસના સંયુક્ત સત્રમાં જ્યારે પીએમ મોદીએ પોતાનું ભાષણ પૂરું કર્યું ત્યારે પણ સાંસદો તેમનું સ્વાગત કરવા ઊભા થયા અને તાળીઓ પાડી.