![](https://www.rakhewaldaily.com/wp-content/uploads/2022/05/PM-Modi-Shimla.jpg)
છોકરીના હાથમાં પોતાની માતાની તસવીર જોઇને PM મોદીએ તોડ્યો પ્રોટોકોલ
પ્રધાનમંત્રી નરેન્દ્ર મોદીએ મંગળવારના શિમલામાં પોતાની માતાની તસવીર માટે હાઈ સિક્યુરિટીવાળા સુરક્ષા પ્રોટોકોલ તોડી દીધા. પ્રધાનમંત્રીએ રોડ શૉ દરમિયાન એક છોકરી પાસે તેમની માતાની પેન્સિલથી બનેલી તસવીર જોઇ, ત્યારબાદ છોકરીને મળવા તેમણે પોતાના કાફલાને રોકવા માટે કહ્યું.
PM મોદીએ ચિત્ર બનાવનાર છોકરીનો આભાર માન્યો
ગરીબ કલ્યાણ સંમેલનમાં ભાગ લેવા માટે હિમાચલ પ્રદેશની રાજધાનીમાં ગયેલા પીએમ મોદીએ તેમની માતાનું ચિત્ર બનાવવા માટે છોકરીનો આભાર માન્યો. છોકરીએ પીએમ મોદીના ચરણ સ્પર્શ કર્યા અને જણાવ્યું કે, તે શિમલાની રહેવાસી છે. પીએમ મોદીએ શિમલાના ઐતિહાસિક રિજ મેદાનથી ખેડૂતોના ખાતામાં ખેડૂત સન્માન નિધિનો 11મો હપ્તો જારી કર્યો. 10 કરોડ ખેડૂતોને 21 હજાર કરોડ રૂપિયા આપવામાં આવ્યા.
બિલાસપુર એમ્સમાં પણ તમામ સ્વાસ્થ્ય સુવિધાઓ
આ દરમિયાન પીએમ મોદીએ લાભાર્થીઓ સાથે વાત પણ કરી. પ્રધાનમંત્રી નરેન્દ્ર મોદીએ કહ્યું કે, લોકોએ હવે સારવાર માટે ચંદીગઢ, દિલ્હી જવાની જરૂર નથી. બિલાસપુર એમ્સમાં લોકોને તમામ સુવિધાઓ મળશે. પીએમ મોદીએ કહ્યું કે, હિમાચલ સરકારે જલ જીવન મિશનને લઇને ઘણું જ શાનદાર કામ કર્યું છે. આ માટે જયરામ સરકાર અભિનંદનને પાત્ર છે. મોદીએ કહ્યું કે, ભારત ઝૂકાવીને નહીં, આંખ મિલાવીને વાત કરશે.
આજે ભારત મદદ માટે હાથ આગળ વધારે છે
તેમણે કહ્યું કે, આજે ભારત મજબૂરીમાં નહીં, પરંતુ મદદ માટે હાથ આગળ વધારે છે. દેશના વિકાસમાં હિમાચલના ફાર્મા હબની પણ મોટી ભૂમિકા રહી છે. પીએમ મોદીએ એ પણ કહ્યું કે, હિમાચલમાં દરેક ઘરથી ભાગ્યે જ કોઈ પરિવાર હશે જેના ઘરેથી સૈનિક ના હોય. આ વીરોની ભૂમિ છે. આ સૈન્ય પરિવારોની ભૂમિ છે. પૂર્વ સરકારોએ સૈનિકોની માંગોને ક્યારેય પૂર્ણ ના કરી.
Tags PM Modi In Shimla