શાકભાજી અને ફળથી પણ વધારે તાકાત આપે છે રાતની પડેલી વાસી રોટલી, વિટામીન B12 ની ઉણપને કરશે દુર

આજકાલ લોકોમાં વિટામિન B12 ની ઉણપ ખૂબ જ સામાન્ય બની ગઈ છે કારણ કે તે ખૂબ જ ઓછા ખોરાકમાં જોવા મળે છે અને જે લોકો શાકાહારી ખાય છે તેમના માટે તેના વિકલ્પો ઓછા થઈ જાય છે, પરંતુ જો તમે યોગ્ય રીતે ખોરાક ખાઓ તો ઘઉંની રોટલી પણ વિટામિન B12 ની ઉણપને પૂરી કરી શકે છે.

આપણા શરીરમાં વિટામીન B12 ની ઉણપને કારણે થાક, નિસ્તેજ શરીર, માથાનો દુખાવો, હતાશા, પેટની સમસ્યા, મોં અને જીભમાં સોજો, સ્નાયુઓમાં દુખાવો, ચેતાઓમાં દુખાવો જેવા લક્ષણો થઈ શકે છે. વિટામિન B12 આપણા શરીરમાં લાલ રક્તકણો અને DNA બનાવવા માટે જરૂરી છે.

ક્લિનિકલ ન્યુટ્રિશનિસ્ટ્સ કહે છે કે વાસી ખોરાક ખાવાથી બીમારીઓ થઈ શકે છે, પરંતુ કેટલીક એવી ખાદ્ય ચીજો છે જેને ખાવાથી વિવિધ રોગો દૂર થઈ શકે છે. ન્યુટ્રિશનિસ્ટ્સ કહે છે કે જો આપણે ઘઉંની રોટલી રાતભર છોડીને બીજા દિવસે ખાઈએ તો તેમાં આથો આવવાની પ્રક્રિયા શરૂ થાય છે. આ સમયે સારા બેક્ટેરિયા વિટામિન B12 ઉત્પન્ન કરવાનું શરૂ કરે છે, જે આપણા શરીર માટે ખૂબ સારું માનવામાં આવે છે.

વાસી રોટલીમાં પુષ્કળ પ્રમાણમાં ફાઈબર હોય છે અને સોડિયમની માત્રા પણ ઘણી ઓછી હોય છે. વાસી રોટલીનું સેવન કરવાથી બ્લડ સુગર અને બ્લડ પ્રેશર પણ કંટ્રોલમાં રહે છે. સંશોધન મુજબ, વિટામિન B12 ની ઉણપને દૂર કરવા માટે, માછલી, પ્રાણીનું યકૃત, લાલ માંસ, ઇંડા, દૂધ, ચીઝ, દહીં, ફોર્ટિફાઇડ ન્યુટ્રિશનલ યીસ્ટ ખાઈ શકે છે.