મુંબઈઃ મોડી રાત્રે શ્રી રામ વાહન રેલી પર પથ્થરમારો, અત્યાર સુધીમાં 13 લોકોની ધરપકડ

મુંબઈ: અયોધ્યામાં ‘રામ મંદિર’ની પ્રાણ પ્રતિષ્ઠા પહેલા મુંબઈ નજીક મીરા રોડ પર રવિવારે રાત્રે ફાટી નીકળેલી હિંસાના મામલામાં અત્યાર સુધીમાં 13 લોકોની ધરપકડ કરવામાં આવી છે. રવિવારે રાત્રે મીરા રોડ વિસ્તારમાં લુખ્ખાત્ત્વોએ તોડફોડ કરી હતી. તેઓએ શ્રી રામના નામના ઝંડાવાળા વાહનો પર પણ પથ્થરમારો કર્યો હતો.

મહારાષ્ટ્રની રાજધાની મુંબઈ નજીકના મીરા રોડ વિસ્તારમાં રવિવારે મોડી રાત્રે બદમાશોએ હોબાળો મચાવ્યો હતો અને તોડફોડ કરી હતી. આ લુખ્ખાત્ત્વોએ શ્રી રામના નામ સાથેના ઝંડા લહેરાતા વાહનો પર પથ્થરમારો કર્યો હતો, જેના પછી પરિસ્થિતિ તંગ બની ગઈ હતી. આ સમગ્ર મામલામાં અત્યાર સુધીમાં 13 લોકોની ધરપકડ કરવામાં આવી છે. આ સાથે ઉપમુખ્યમંત્રી દેવેન્દ્ર ફડણવીસે કહ્યું કે આ ઘટનામાં સામેલ અન્ય લોકોની પણ ઓળખ કરવામાં આવી રહી છે. ડેપ્યુટી સીએમએ કહ્યું છે કે કાયદો અને વ્યવસ્થાની સ્થિતિ બગાડવાનો પ્રયાસ કરનાર કોઈપણને સહન કરવામાં આવશે નહીં.

વાસ્તવમાં, બે સમુદાયો વચ્ચે અથડામણની આ ઘટના મુંબઈના બહારના વિસ્તારમાં એક વાહન રેલી દરમિયાન પ્રકાશમાં આવી હતી. જેનો વીડિયો પણ સોશિયલ મીડિયા પર વાયરલ થઈ રહ્યો છે. એવું કહેવામાં આવી રહ્યું છે કે બદમાશોએ તોડફોડ કરતી વખતે રસ્તા પર ‘અલ્લાહ હુ અકબર’ના નારા લગાવ્યા હતા.

મળતી માહિતી મુજબ રવિવારે રાત્રે કાર અને બાઇક પર સવાર 10-12 લોકોના ટોળાએ ભગવાન રામના નારા લગાવતા વાહન રેલી કાઢી હતી. અયોધ્યા રામ મંદિરના અભિષેક પહેલા આ રેલી કાઢવામાં આવી હતી. આ દરમિયાન એક પક્ષે કોઈ મુદ્દાને લઈને વાંધો ઉઠાવ્યો હતો, જે બાદ મામલો મારામારી સુધી પહોંચ્યો હતો.