પાકિસ્તાનમાં ભારતની ખૂબ પ્રશંસા, સંસદમાં ચૂંટણી પ્રક્રિયા પર થઇ ચર્ચા; વિપક્ષી નેતાનું ભાષણ વાયરલ

પાકિસ્તાનની સંસદમાં ભારતની ખૂબ પ્રશંસા કરવામાં આવી છે. પાકિસ્તાનની સેનેટમાં વિરોધ પક્ષના નેતા અને પીટીઆઈના સાંસદ શિબલી ફરાઝે તેમના ભાષણમાં ભારતની ચૂંટણી પ્રક્રિયાનો ઉલ્લેખ કર્યો હતો. તેમણે કહ્યું કે આપણે ભારતની જેમ ચૂંટણી કેમ ન કરાવી શકીએ? ભારતમાં કરોડો લોકોએ મતદાન કર્યું. આ મતદાન માટે તેમને ઘણા મતદાન મથકો બનાવવામાં આવ્યા હતા.

ઈવીએમનો ઉપયોગ કરવામાં આવ્યો હતો, પરંતુ કોઈએ કહ્યું નથી કે ચૂંટણીમાં ગોટાળો થયો છે. ફરાઝે ભારતનું નામ લીધા વિના આ બધી વાતો કહી. જો કે તેમણે ભારતને દુશ્મન દેશ પણ કહ્યો, પરંતુ તેમણે પાકિસ્તાની ચૂંટણી પ્રક્રિયાના પણ વખાણ કર્યા અને ભારતની જેમ પાકિસ્તાનમાં પણ ચૂંટણી કરાવવાની વાત કરી હતી. આ રીતે પાકિસ્તાનની સંસદમાં ભારતની ચર્ચા થઈ હતી, જેનો વીડિયો પણ સામે આવ્યો છે.

Video link –  https://twitter.com/i/status/1801146287557124188