‘કુશ્તીમાં મોટાભાગના ખેલાડીઓ ગરીબ, એકતાનો અભાવ

આંદોલનકારી કુશ્તીબાજ સાક્ષી મલિકે રેસલિંગ ફેડરેશન ઓફ ઈન્ડિયાના પૂર્વ પ્રમુખ બ્રિજભૂષણ શરણ સિંહ વિરુદ્ધ એક વીડિયો જાહેર કર્યો છે. બ્રિજ ભૂષણ સિંહ પર મોટો હુમલો કરતાં તેણે કહ્યું કે સગીરા કુશ્તીબાજના પરિવારને ડરાવવામાં આવ્યો હતો અને ધમકી આપવામાં આવી હતી. જે બાદ તેઓએ નિવેદન બદલ્યું હતું. તેણે કહ્યું કે સગીર મહિલા કુશ્તીબાજે પોલીસની સામે 161 અને મેજિસ્ટ્રેટની સામે 164 હેઠળ નિવેદન આપ્યું હતું. પરંતુ તેના પરિવારને ધમકી આપવામાં આવી હતી, ત્યારબાદ તેણે પોતાનું નિવેદન બદલ્યું હતું.

રેસલર સાક્ષી મલિકે કહ્યું કે અમારું આંદોલન રાજનીતિથી પ્રેરિત નથી, કોંગ્રેસનો પણ તેમાં કોઈ હાથ નથી. અમે જાન્યુઆરીમાં પહેલીવાર આંદોલન કર્યું ત્યારે તે આંદોલનની પરવાનગી ભાજપના બે નેતાઓએ આપી હતી. જેની સાબિતી પણ છે. આંદોલનકારી કુશ્તીબાજએ કહ્યું કે અમે વારંવાર કહ્યું કે અમારી લડાઈ સરકાર સામે નહીં, ફેડરેશન સામે છે. તેમણે કહ્યું કે એકની ગેરહાજરીને કારણે વહીવટીતંત્ર તેનો ફાયદો ઉઠાવે છે. આ લડાઈ લડી શકાતી નથી.

સાક્ષી મલિક અને તેના પતિ સત્યવ્રત કાદિયાને વીડિયોમાં કહ્યું કે અમારી વિરુદ્ધ અફવાઓ ફેલાવવામાં આવી રહી છે. તેણે કહ્યું કે કુશ્તી સાથે જોડાયેલા 90 ટકા લોકો જાણે છે કે છેલ્લા 12 વર્ષથી મહિલા રેસલરો સાથે આ રીતે છેડતી થઈ રહી છે. ઘણા લોકો તેની સામે અવાજ ઉઠાવવા માંગતા હતા, પરંતુ અમારી કુસ્તી સમિતિમાં એકતાનો અભાવ હતો. જો કોઈ પોતાનો અવાજ ઉઠાવવાની કોશિશ કરે તો પણ આ વાત બ્રિજભૂષણ સિંહ સુધી પહોંચી જતી અને તેમના કરિયરમાં મુશ્કેલી આવવા લાગતી હતી.

સાક્ષી મલિકે કહ્યું કે અમારા પર આરોપ લગાવવામાં આવ્યો કે અમે અત્યાર સુધી ચૂપ કેમ હતા. આના ઘણા કારણો છે. પહેલું કારણ એ છે કે અમારા કુશ્તીબાજોમાં એકતાનો અભાવ હતો. તેણે કહ્યું કે કુસ્તીમાં આવનારા ખેલાડીઓ ગરીબ પરિવારના છે. તેમનામાં શક્તિશાળી માણસ સામે અવાજ ઉઠાવવાની હિંમત નથી. સાક્ષીએ કહ્યું કે જ્યારે ભારતના ટોચના કુસ્તીબાજોએ પોતાનો અવાજ ઉઠાવ્યો ત્યારે દરેક વ્યક્તિએ જોયું કે તેમને કઈ પરિસ્થિતિમાંથી પસાર થવું પડ્યું હતું.