મૌલાનાએ વિદ્યાર્થિની પર ગુજાર્યો બળાત્કાર, વિરોધ કરતા મૌલાનાએ આપી જાનથી મારી નાખવાની ધમકી

ઉત્તર પ્રદેશના કાનપુર જિલ્લામાં એક મૌલાનાએ પહેલા એક વિદ્યાર્થિનીને નશીલી દવા પીવડાવી અને પછી તેની સાથે બળાત્કાર કર્યો. આટલું જ નહીં મૌલાનાએ વિદ્યાર્થીનો અશ્લીલ વીડિયો બનાવ્યો હતો. થોડા દિવસો પછી, તે જ વિડિયો વિદ્યાર્થીને મોકલીને તેણે તેને બ્લેકમેલ કરવાનું શરૂ કર્યું. હાલમાં વિદ્યાર્થીની ફરિયાદના આધારે પોલીસે મૌલાનાની ધરપકડ કરીને તેને જેલમાં મોકલી આપ્યો છે. આ મામલો બિથૂર પોલીસ સ્ટેશન વિસ્તારમાં સ્થિત એક મદરેસાનો છે.

પીડિત વિદ્યાર્થીએ જણાવ્યું કે તે બિથુર પોલીસ સ્ટેશન વિસ્તારમાં આવેલી મદરેસામાં અભ્યાસ કરતી હતી. આ મદરેસા મૌલાના કારી મોહમ્મદ અહેમદની છે. તે પોતાના ઘરમાં જ તેનું સંચાલન કરતો હતો. 2018માં તેણે મદરેસામાં જવાનું બંધ કરી દીધું હતું. આનાથી મૌલાના ખૂબ જ ચિડાઈ ગયા હતો અને ત્યાર બાદ તેને બ્લેકમેઈલ કરવાનું શરુ કર્યું હતું.

મૌલાના તેને મદરેસામાં કામ કરવા બોલાવતો અને તેની સાથે ગંદી હરકતો કરતો. લગભગ દોઢ વર્ષ પહેલા મૌલાનાએ કહ્યું હતું કે તેમની પત્ની બીમાર છે. ઘરે ખાવાનું રાંધવા આવો, જ્યારે તે ઘરે પહોચી ત્યારે મૌલાનાએ તેને નશીલી દવા પીવડાવી હતી. અને જ્યારે તે બેહોશ થઈ ગઈ ત્યારે તેણે તેના પર બળાત્કાર કર્યો. આટલું જ નહીં તેણે તેનો અશ્લીલ વીડિયો પણ બનાવ્યો હતો. થોડા દિવસો પછી મૌલાનાએ તેને વીડિયો વાયરલ કરવાની ધમકી આપવાનું શરૂ કર્યું અને કહ્યું કે જો તે ઘરે નહીં આવે તો તે વીડિયો વાયરલ કરી દેશે.

મૌલાનાએ જાનથી મારી નાખવાની ધમકી આપી હતી

17 મે, 2023 ના રોજ, વીડિયો વાયરલ કરવાની ધમકી આપ્યા બાદ, મૌલાનાએ તેને ફરીથી ઘરે બોલાવી અને તેના પર બળાત્કાર કર્યો, જેનો વિરોધ કરવા પર મૌલાનાએ વિદ્યાર્થીનીને બદનામ કરવાની અને જાનથી મારી નાખવાની ધમકી આપી. મૌલાનાની હરકતોથી પરેશાન વિદ્યાર્થીએ તેના પરિવારજનોને આ અંગે જાણ કરી હતી. વિદ્યાર્થિનીના પરિજનોએ તરત જ પોલીસ સ્ટેશનમાં મૌલાના વિરુદ્ધ FIR નોંધાવી હતી.

પોલીસે મૌલાનાની ધરપકડ કરી હતી

કાનુપરના એડીસીપી લખન યાદવે કહ્યું કે પીડિતાએ બિથૂર પોલીસ સ્ટેશનમાં કેસ દાખલ કર્યો છે, જેમાં તેણે જણાવ્યું છે કે બિથૂર પોલીસ સ્ટેશન વિસ્તારમાં મદરેસાના મૌલાના કારી મોહમ્મદ અહેમદે તેની સાથે બળાત્કાર કર્યો અને વીડિયો પણ બનાવ્યો. પીડિતાની ફરિયાદ પર તરત જ કેસ નોંધીને મૌલાનાની ધરપકડ કરવામાં આવી છે.