લ્યો બોલો…યુવકે વીમો લેવા માટે માતાનું નકલી ડેથ સર્ટીફીકેટ બનાવ્યું

બિહારમાં છેતરપિંડીનો અનોખો કિસ્સો સામે આવ્યો છે. એક યુવકે અમેરિકન વીમા કંપની પાસેથી ક્લેમ મેળવવા માટે તેની માતાનું મૃત્યુ થયું હોવાનો ડોળ કર્યો. યુવકે બિહારનું બનાવટી ડેથ સર્ટિફિકેટ મેળવીને કંપનીમાં 83 લાખ રૂપિયાનો દાવો કર્યો હતો. યુવક યુપીનો રહેવાસી છે, જેણે કંપનીમાં દાવો કર્યો હતો કે તેની માતા પટનાની એક હોટલમાં લાગેલી આગમાં મૃત્યુ પામી હતી. કંપનીના અધિકારીઓએ પટના આવીને તપાસ કરી તો સમગ્ર રહસ્ય સામે આવ્યું હતું. અધિકારીઓએ તપાસ કરી તો ડેથ સર્ટિફિકેટ નકલી હોવાનું જાણવા મળ્યું હતું. મૃત્યુ પ્રમાણપત્રમાં ઉલ્લેખિત મહિલાનું અકસ્માતમાં મૃત્યુ થયું નથી.

25 એપ્રિલે 8 લોકોના મોત થયા હતા

પટનાની પાલ અને અમિત હોટલમાં 25 એપ્રિલે આગ લાગવાથી આઠ લોકોના મોત થયા હતા. પટના કોતવાલી વિસ્તારમાં બનેલી આ ઘટના બાદ યુવકે દાવો મેળવવા માટે નકલી દાવો કર્યો હતો. પોલીસના જણાવ્યા અનુસાર, અકસ્માતમાં ચંદ્રકલા કુમારી, તેજ પ્રતાપ, રાહુલ કુમાર, દિનેશ સિંહ, કિસ્કુ, રિતેશ કુમાર, રાજ લક્ષ્મી, મિલોની કિસ્કુ અને પ્રિયંકા કુમારીનું મોત થયું હતું. જે મહિલાના નામે નકલી વીમો લેવાનો પ્રયાસ કરવામાં આવ્યો હતો તે ન તો પોલીસ રિપોર્ટમાં અને ન તો ફાયર વિભાગના રિપોર્ટમાં મળી આવી હતી. યુવકે પટના મ્યુનિસિપલ કોર્પોરેશન ઓફિસમાંથી બનાવટી મૃત્યુ પ્રમાણપત્ર મેળવ્યું હતું. જે બાદ કંપની સાથે છેતરપિંડી કરવાનો પ્રયાસ કરવામાં આવ્યો હતો.

જે લોકોના નામ પોલીસમાં નોંધાયા હતા તે જ લોકોના નામ પણ ફાયર બ્રિગેડ ઓફિસમાંથી મળી આવ્યા હતા. તમામ મૃતકોની ઓળખ બાદ તેમના મૃતદેહ પણ તેમના પરિવારજનોને સોંપવામાં આવ્યા હતા. તપાસમાં જાણવા મળ્યું કે યુવકે તેની માતાના નામે નકલી મૃત્યુ પ્રમાણપત્ર બનાવ્યું હતું. પરંતુ મૃતકોની યાદીમાં તેનું નામ મળ્યું ન હતું. યુવકે સર્ટિફિકેટમાં મહિલાનું નામ સુમન પાલ લખ્યું હતું. અંકિત નામના આરોપીએ અમેરિકન વીમા કંપની નેશનલ લાઈફ ગ્રુપ સાથે છેતરપિંડી કરવાનો પ્રયાસ કર્યો હતો. પરંતુ કંપનીના અધિકારીઓની તપાસ દરમિયાન સમગ્ર રહસ્ય બહાર આવ્યું હતું.