સોનાની ખાણ બાદ ભારતના આ રાજ્યમાં વિશાળ પેટ્રોલિયમ ભંડાર મળવાની શક્યતા

એક તરફ બિહારના જમુઈમાં દેશની સૌથી મોટી સોનાની ખાણ હોવાની ચર્ચા છે તો બીજી તરફ બક્સર અને સમસ્તીપુરમાં પેટ્રોલિયમ ભંડાર હોવાની શક્યતા છે. સમસ્તીપુર જિલ્લાના 308 કિમી અને બક્સરના 52.13 ચોરસ વિસ્તારમાં પેટ્રોલિયમ ઉત્પાદનોના સંકેતો મળી આવ્યા છે. બિહાર સરકારે તેની શોધને મંજૂરી આપી દીધી છે. ભારત સરકારે દરખાસ્ત મોકલી હતી.

સંશોધન માટે ONGCને મંજૂરી આપવામાં આવી

આ અંગે માહિતી આપતા ભારત સરકારના ગૃહ રાજ્ય મંત્રી નિત્યાનંદ રાયે જણાવ્યું હતું કે, ભારત સરકારે સમસ્તીપુરના ગંગા બેસિનમાં પેટ્રોલિયમ પેદાશોના સંશોધન માટે ઓઈલ એન્ડ નેચરલ ગેસ કોર્પોરેશન લિમિટેડ (ONGC)ને મંજૂરી આપી છે. પેટ્રોલિયમ ભંડાર મળી શકે તેવો અંદાજ છે. સમસ્તીપુરમાં 308 કિમી ચોરસ વિસ્તારમાં અત્યાધુનિક ટેક્નોલોજી સાથે પેટ્રોલિયમની શોધખોળ થવાની છે.

308 કિમી ચોરસ વિસ્તારમાં પેટ્રોલિમય ભંડાર

ગૃહ રાજ્ય મંત્રી રાયે કહ્યું કે, સમસ્તીપુર જિલ્લામાંથી પસાર થતા ગંગાના તટપ્રદેશમાં તેલનો પૂરતો ભંડાર હોવાનું અનુમાન લગાવવામાં આવ્યું છે. નિત્યાનંદ રાયે તેલનો ભંડાર મળવાનો દાવો કરતા કહ્યું કે, પેટ્રોલિયમ મંત્રી સાથે વાત કર્યા બાદ હું દાવા સાથે કહી શકું છું કે સમસ્તીપુરમાં તેલનો ભંડાર મળવાનો અંદાજ સાચો સાબિત થવાનો છે. જો અહીં 308 કિમી ચોરસ વિસ્તારમાં તેલ જોવા મળે છે, તો તમે સમજી શકો છો કે સમસ્તીપુર તેમજ બિહારમાં શું થઈ શકે છે.

કિંમતી ભંડાર મળવાની પ્રબળ શક્યતા

કેન્દ્રીય રાજ્ય મંત્રીએ કહ્યું કે, આપણા વડાપ્રધાન નરેન્દ્ર મોદી ઈચ્છે છે કે ભારત પેટ્રોલિયમ ક્ષેત્રે પણ આત્મનિર્ભર બને. આપણે બીજા દેશો પર નિર્ભર રહેવાની જરૂર નથી. તેમણે કહ્યું કે, પેટ્રોલિયમ ઉત્પાદનો પર સબસિડીના રૂપમાં ભારત સરકારને મોટી રકમ આપવાની છે. ઓએનજીસીએ બક્સર જિલ્લા પ્રશાસનને પત્ર પણ મોકલ્યો છે. જેના કારણે રેતી અને પૂરવાળા આ રાજ્યની જમીનમાં કિંમતી ચીજવસ્તુઓ મળવાની શકયતા પ્રબળ બની રહી છે. બક્સરના જિલ્લા મેજિસ્ટ્રેટે કહ્યું કે, જિલ્લા વહીવટીતંત્રને પત્ર મળ્યો છે કે ગંગાના તટપ્રદેશમાં પેટ્રોલિયમ ઉત્પાદનો હોઈ શકે છે.

ટૂંક સમયમાં સ્થ નિરીક્ષણનું કામ શરૂ કરવામાં આવશે

ઓઈલ એન્ડ નેચરલ ગેસ કોર્પોરેશન લિમિટેડ (ONGC)એ અનુમાન લગાવ્યું છે કે બક્સરમાં 52.13 કિમીમાં અને સમસ્તીપુરમાં મોટા પ્રમાણમાં તેલનો ભંડાર હોઈ શકે છે. ONGCએ ખાણ અને ભૂસ્તરશાસ્ત્ર વિભાગ, બિહાર પાસેથી પેટ્રોલિયમ સંશોધન માટે લાયસન્સ માટે અરજી કરી છે. ડીએમએ કહ્યું કે, ખૂબ જ ટૂંક સમયમાં ઓએનજીસીના સહયોગથી સ્થળ નિરીક્ષણનું કામ કરવામાં આવશે.