કોલકાતા રેપ-મર્ડર કેસઃ આરોપીનો સાયકોલોજિકલ ટેસ્ટ, સંદીપ ઘોષની પૂછપરછ ચાલુ

કોલકાતાની આરજી કાર હોસ્પિટલમાં મહિલા ડૉક્ટર પર બળાત્કાર અને હત્યાના કેસમાં સીબીઆઈ તપાસ ચાલી રહી છે. તે જ સમયે, ડોકટરો તેમની સુરક્ષાને લઈને માંગ કરી રહ્યા છે. તેઓ આ માટે નવો કાયદો ઈચ્છે છે અને પદ્મ પુરસ્કાર મેળવનાર 70 ડોક્ટરોએ પીએમ મોદીને પત્ર લખ્યો છે. આ દરમિયાન સીબીઆઈએ આરજી કાર હોસ્પિટલના પૂર્વ પ્રિન્સિપાલ સંદીપ ઘોષની પૂછપરછ કરી હતી અને આરોપીનો મનોવૈજ્ઞાનિક ટેસ્ટ પણ કરાવ્યો હતો. આ ટેસ્ટનો પ્રથમ તબક્કો થઈ ગયો છે.

સીબીઆઈના એક અધિકારીએ જણાવ્યું કે ઘોષ, જેઓ રવિવારે સતત ત્રીજા દિવસે સીબીઆઈ અધિકારીઓ સમક્ષ હાજર થયા હતા, તેમને હોસ્પિટલમાં ઘટના પહેલા અને પછી કરવામાં આવેલા ફોન કોલ્સની વિગતો આપવા માટે કહેવામાં આવ્યું છે. તેમણે કહ્યું કે અધિકારીઓ ઘોષની કોલ ડિટેઈલ અને ડેટા વપરાશની માહિતી મેળવવા મોબાઈલ ફોન સર્વિસ પ્રોવાઈડરનો સંપર્ક કરવા વિચારી રહ્યા છે. સીબીઆઈએ શનિવારે મોડી રાત સુધી ઘોષની લગભગ 13 કલાક પૂછપરછ કરી હતી. ઘોષ રવિવારે સવારે 11 વાગ્યે ફરીથી સોલ્ટ લેકના CGO કોમ્પ્લેક્સમાં CBI ઓફિસ પહોંચ્યા.

CBIએ આ સવાલો સંદીપ ઘોષને પૂછ્યા હતા

અધિકારીના જણાવ્યા મુજબ, ભૂતપૂર્વ પ્રિન્સિપાલને પણ પૂછવામાં આવ્યું હતું કે ઘટના પછી હોસ્પિટલના ઈમરજન્સી બિલ્ડિંગના સેમિનાર રૂમની નજીકના રૂમના સમારકામનો આદેશ કોણે આપ્યો હતો. “અમે એ જાણવાનો પ્રયાસ કરી રહ્યા છીએ કે શું આ ગુના પાછળ કોઈ કાવતરું હતું કે શું તે અગાઉથી આયોજન કરવામાં આવ્યું હતું.