ઇઝરાયલી સેનાએ ફરી ગાઝા પર કર્યો હુમલો, 44ના મોત

ઇઝરાયેલ અને હમાસ વચ્ચેના યુદ્ધને લગભગ 9 મહિના વીતી ગયા છે. આ યુદ્ધને રોકવા માટે યુદ્ધવિરામની વાતચીત થઈ રહી છે. દરમિયાન, ઇઝરાયેલી સેનાએ મંગળવારે (16 જુલાઇ) ગાઝા પર હુમલો કરીને આ યુદ્ધને ફરીથી વેગ આપ્યો છે. મંગળવારે ઇઝરાયેલની સેનાએ ત્રણ અલગ-અલગ સ્થળોએ હુમલો કર્યો હતો, જેમાં 44 પેલેસ્ટિનિયન માર્યા ગયા હતા. હોસ્પિટલના રેકોર્ડને ટાંકીને આ માહિતી આપવામાં આવી છે. મૃતકોમાં મોટી સંખ્યામાં મહિલાઓ અને બાળકોનો સમાવેશ થાય છે.

તમને જણાવી દઈએ કે ગાઝામાં ઈઝરાયેલી સેના દ્વારા બોમ્બમારો કરવામાં આવેલા સ્થળોમાં પેટ્રોલ સ્ટેશન અને શાળાઓ સામેલ છે. આ ત્રણ અલગ-અલગ હુમલાઓમાં ડઝનબંધ પેલેસ્ટિનિયનો માર્યા ગયા હતા. એફપીના અહેવાલ મુજબ માત્ર એક કલાકની અંદર પેલેસ્ટાઈનના પ્રદેશોમાં ત્રણ હવાઈ હુમલા કરવામાં આવ્યા હતા. જેના કારણે લગભગ 44 લોકોએ જીવ ગુમાવ્યા હતા.