![](https://www.rakhewaldaily.com/wp-content/uploads/2021/02/116235983_d2902cfd-15cb-4487-a32f-06eaf060de24.jpg)
મહારાષ્ટ્રમાં બે દિવસની અંદર દર્દીઓ વધવાની ગતિ 5 ગણી થઈ;24 કલાકમાં અહીં 4 હજારથી વધુ નવા કેસ વધ્યા
મહારાષ્ટ્રમાં કોરોના દર્દીઓ મળવાની ગતિમાં અચાનક વધારો થયો છે. બે દિવસની અંદર જ 5 ગણી ઝડપે દર્દી વધવા લાગ્યા છે. 11 ફેબ્રુઆરીએ રાજ્યમાં 562 લોકો કોરોના સંક્રમિત થયા હતા. 13 ફેબ્રુઆરીએ આ આંકડો વધીને 3670 અને 14 ફેબ્રુઆરીએ 4092એ પહોંચી ગયો હતો. રવિવારે 40 મોત પણ થયા હતા.
મહારાષ્ટ્રમાં અચાનક વધી રહેલા દર્દીઓની સંખ્યાની અસર દેશના આંકડા પર પણ પડી છે.દેશમાં કોરોના સંક્રમિતોના આંકડા ફરી એકવાર ચિંતામાં વધારો કરી રહ્યા છે. રવિવારે 11,431 નવા દર્દી નોંધાયા, 9,267 સાજા થયા. આ સતત ત્રીજો દિવસ હતો, જ્યારે સાજા થનારા કરતાં નવા સંક્રમિતોનો આંકડો વધુ રહ્યો. છેલ્લા 24 કલાકમાં 87 સંક્રમિતનાં મોત થયાં, જ્યારે એક્ટિવ કેસ એટલે કે સારવાર કરાવી રહેલા દર્દીઓની સંખ્યામાં 2,073નો વધારો થયો છે. 26 નવેમ્બર પછી એક્ટિવ કેસમાં આ સૌથી મોટો વધારો છે, ત્યારે 2927 એક્ટિવ કેસ વધ્યા હતા.
દેશમાં અત્યારસુધીમાં 1.09 કરોડ લોકો સંક્રમણના સકંજામાં આવી ચૂક્યા છે, જેમાં 1.06 કરોડ સાજા થઈ ચૂક્યા છે, જ્યારે 1.55 લાખ લોકોનાં મોત થયાં છે. હાલ 1.36 લાખ લોકોની સારવાર ચાલી રહી છે.