મુંબઈમાં ભારે વરસાદે મચાવી તબાહી; 36 ફ્લાઈટ્સ રદ, 15 ડાયવર્ટ

મહારાષ્ટ્રમાં સતત વરસાદને કારણે જનજીવન અસ્તવ્યસ્ત બની ગયું છે. મુંબઈમાં સવારથી જ વરસાદ પડી રહ્યો છે. આ વરસાદથી વાહનવ્યવહાર પર પણ અસર પડી છે. રસ્તાઓ પર પાણી ભરાઈ જવાને કારણે વાહનોની અવરજવર ઠપ્પ થઈ ગઈ છે. વરસાદને કારણે એરલાઈન્સ સેવાને પણ અસર થઈ છે. વરસાદને કારણે વિઝિબિલિટી ખૂબ જ ઓછી છે અને પાઇલટ્સને જોવામાં મુશ્કેલી પડી રહી છે. જેના કારણે મુંબઈ જતી લગભગ 36 ફ્લાઈટ્સ કેન્સલ કરવામાં આવી છે. 15 ફ્લાઈટને ડાયવર્ટ કરવામાં આવી છે.

એરપોર્ટ ઓથોરિટીના જણાવ્યા અનુસાર, રવિવારે બપોરે 12:12 થી 12:20 સુધી ખરાબ હવામાનને કારણે રનવે સેવા આઠ મિનિટ માટે પ્રભાવિત થઈ હતી. આ પછી બપોરે 1:00 વાગ્યાથી 1:15 વાગ્યા સુધી ખરાબ હવામાનને કારણે રનવે સેવા પ્રભાવિત થઈ હતી. ભારે વરસાદ અને નબળી વિઝિબિલિટીના કારણે કુલ 15 ફ્લાઈટને ડાયવર્ટ કરવામાં આવી છે.