UPના ઉન્નાવમાં બસ અને ટેન્કર વચ્ચે ભયંકર અકસ્માત,18 લોકોના મોત
ઉત્તર પ્રદેશના ઉન્નાવમાં એક મોટો અકસ્માત થયો છે. લખનૌ-આગ્રા એક્સપ્રેસ વે પર બેહતા મુજાવર પોલીસ સ્ટેશન વિસ્તારમાં ડબલ ડેકર બસ અને દૂધના કન્ટેનર વચ્ચે જોરદાર ટક્કર થઈ હતી. આ અકસ્માતમાં બસમાં સવાર 18 મુસાફરોના મોત નીપજ્યા હતા, જ્યારે 20 જેટલા લોકો ઘાયલ હોવાનું કહેવાય છે. મૃતકોમાં 14 મહિલાઓ, 3 પુરૂષો અને એક બાળકનો સમાવેશ થાય છે. જણાવવામાં આવી રહ્યું છે કે આ બસ બિહારના સીતામઢીથી દિલ્હી જઈ રહી હતી. ઘટનાની માહિતી મળતા જ પોલીસ ઘટના સ્થળે પહોંચી ગઈ હતી.
ઘટના અંગે માહિતી આપતા ઉન્નાવના ડીએમ ગૌરાંગ રાઠીએ જણાવ્યું હતું કે, “આજે સવારે લગભગ 05.15 વાગ્યે બિહારના મોતિહારીથી આવી રહેલી એક ખાનગી બસ દૂધના ટેન્કર સાથે અથડાઈ હતી. આ અકસ્માતમાં 18 લોકોના મોત થયા છે અને 19 લોકો ઘાયલ થયા છે.” પ્રાથમિક તપાસમાં એવું લાગે છે કે બસની સ્પીડ ઘણી વધારે હતી.
You may also like
