રાજસ્થાનના 88.44 લાખ પેન્શનરોને CM ભજનલાલની ભેટ, ખાતામાં 1037 કરોડ રૂપિયા ટ્રાન્સફર

રાજસ્થાનના મુખ્યમંત્રી ભજન લાલ શર્માએ ગુરુવારે સામાજિક સુરક્ષા યોજના હેઠળ વધેલી રકમ 88.44 લાખ લાભાર્થી પેન્શનરોના ખાતામાં DBT દ્વારા ટ્રાન્સફર કરી હતી. મુખ્યમંત્રીએ અહીં એક કાર્યક્રમમાં લાભાર્થીઓના ખાતામાં રૂ. 1,037 કરોડ ટ્રાન્સફર કર્યા હતા. મીડિયા સાથે વાત કરતા તેમણે કહ્યું કે રાજસ્થાન વિધાનસભાની ચૂંટણી વખતે ભાજપ સંકલ્પ પત્ર લઈને આવ્યો હતો, જેને સરકાર ધીરે ધીરે પૂર્ણ કરી રહી છે. 

તમને જણાવી દઈએ કે વિકલાંગ, વૃદ્ધ અને જરૂરિયાતમંદ મહિલાઓને આપવામાં આવતી પેન્શનની રકમ 1,000 રૂપિયાથી વધારીને 1,150 રૂપિયા કરવામાં આવી છે. આ વધેલી પેન્શનની રકમ 1 એપ્રિલ, 2024થી આપવામાં આવી રહી છે. આ પહેલા મોડી રાત સુધી સામાજિક ન્યાય અને અધિકારીતા મંત્રી અવિનાશ ગેહલોતે કેશવ આદર્શ વિદ્યા મંદિરમાં તૈયારીઓને આખરી ઓપ આપ્યો હતો.

આગામી બજેટ માટે જનતા પાસેથી સૂચનો મંગાવ્યા હતા  

મુખ્યમંત્રીએ કહ્યું કે આગામી બજેટ માટે જનતા પાસેથી સૂચનો માંગવામાં આવ્યા છે. સીએમએ ઓનલાઈન સૂચનો આપવા પણ અપીલ કરી છે. તેમણે કહ્યું કે સરકાર રાજસ્થાનના હિતમાં ગરીબો, મહિલાઓ, મજૂરો, ખેડૂતો અને યુવાનો માટે કામ કરશે. સામાજિક સુરક્ષા પેન્શન યોજના હેઠળની રકમમાં 15 ટકાનો વધારો કરવામાં આવ્યો છે.