BSP નેતાની હત્યા કેસમાં BJP નેતાની ધરપકડ, તમિલનાડુ પોલીસની વિશેષ ટીમની મોટી કાર્યવાહી

તમિલનાડુમાં બહુજન સમાજ પાર્ટીના પ્રદેશ અધ્યક્ષ કે. આર્મસ્ટ્રોંગની હત્યાના કેસમાં પોલીસે મોટી કાર્યવાહી હાથ ધરી છે. ચેન્નઈ પોલીસે શુક્રવારે 48 વર્ષીય બીજેપી કાર્યકર અંજલાઈની ધરપકડ કરી છે. 5 જુલાઈ, 2024 ના રોજ, BSP તમિલનાડુના પ્રમુખ કે. આર્મસ્ટ્રોંગની હત્યા કરવામાં આવી હતી.

ભાજપના કાર્યકર અંજલાઈ ઉત્તર ચેન્નાઈમાં ભાજપના જિલ્લા પદાધિકારી છે. વિશેષ ટીમ દ્વારા તેની ધરપકડ કરવામાં આવી છે. પોલીસના જણાવ્યા અનુસાર અંજલાઈએ આર્મસ્ટ્રોંગની હત્યાના આરોપમાં ધરપકડ કરાયેલા એક આરોપીને 10 લાખ રૂપિયા આપ્યા હતા. હત્યાના આરોપીઓને આ પૈસા ચૂથાભૈયા નેતાએ આપ્યા હતા, જે અન્ય એક કેસમાં વેલ્લોર સેન્ટ્રલ જેલમાં બંધ છે.