ભાજપ આખા દેશમાં લાગુ નહિ કરી શકે UCC, AIUDF ધારાસભ્યનો કેન્દ્ર પર પ્રહાર; બહુપત્નીત્વ બિલ પર આસામના સીએમને પૂછ્યા સવાલ

ભાજપના નેતૃત્વ હેઠળની ઉત્તરાખંડ સરકારે સમાન નાગરિક સંહિતાના ડ્રાફ્ટને મંજૂરી આપી દીધી છે અને આસામ સરકાર આગામી વિધાનસભા સત્રમાં બહુપત્નીત્વ પ્રતિબંધ બિલ રજૂ કરવાની તૈયારી કરી રહી છે. AIUDF એ બીજેપી શાસિત રાજ્યોના નિર્ણયો પર કટાક્ષ કર્યો છે.

AIUDFના ધારાસભ્ય રફીકુલ ઈસ્લામે કેન્દ્ર પર પ્રહાર કરતા કહ્યું કે, ભાજપમાં આખા દેશમાં UCC લાગુ કરવાની હિંમત નથી. તેમણે કહ્યું કે ભાજપ એ પણ જાણે છે કે સમગ્ર દેશમાં UCC લાગુ કરવું લગભગ અશક્ય છે કારણ કે ત્યાં ઘણા ધર્મો, જાતિઓ અને સમુદાયો છે.

તેમણે વધુમાં કહ્યું કે જો તેઓ સમગ્ર દેશમાં UCC લાગુ કરવા માંગતા હોય તો તેઓ પહેલા સંસદમાં બિલ લાવી શક્યા હોત, પરંતુ તેઓ ઉત્તરાખંડ અને આસામમાં તેને આંશિક રીતે લાગુ કરવાનો પ્રયાસ કરી રહ્યા છે. તેમણે કહ્યું કે આ બધું કરીને ભાજપ લોકોને કહેશે કે જુઓ અમે યુસીસી લાવીશું અને બહુપત્નીત્વ પર પ્રતિબંધ લગાવીશું.

તેમણે કહ્યું કે આસામ વિધાનસભામાં બીજેપીના ઘણા નેતાઓ હોઈ શકે છે જે બહુપત્નીત્વનો શિકાર છે અને ભાજપની અંદરના કેટલાક લોકો તેનો વિરોધ કરશે. તમને જણાવી દઈએ કે આસામ વિધાનસભાનું બજેટ સત્ર 5 ફેબ્રુઆરીથી શરૂ થશે. ન્યૂઝ એજન્સી ANI અનુસાર, આસામ સરકાર આ બજેટ સત્રમાં બહુપત્નીત્વ પ્રતિબંધ બિલ રજૂ કરી શકે છે.