બજરંગ પુનિયા અને વિનેશ ફોગાટ કોંગ્રેસમાં જોડાયા, ટિકિટને લઈને મોટું અપડેટ

ઓલિમ્પિયન કુસ્તીબાજો બજરંગ પુનિયા અને વિનેશ ફોગાટ શુક્રવારે કોંગ્રેસમાં જોડાયા છે. બંને કુસ્તીબાજો કોંગ્રેસ અધ્યક્ષ મલ્લિકાર્જુન ખડગેની હાજરીમાં કોંગ્રેસમાં જોડાયા હતા. આ અવસરે કોંગ્રેસ મહાસચિવ કેસી વેણુગોપાલ, પાર્ટીના નેતા પવન ખેડા, હરિયાણા કોંગ્રેસના પ્રમુખ ઉદય ભાન અને હરિયાણા પ્રભારી દીપક બાબરિયા પણ હાજર હતા.

સૂત્રોના જણાવ્યા અનુસાર કોંગ્રેસના સ્ટાર પ્રચારક હોવા ઉપરાંત બજરંગ પુનિયાને કોંગ્રેસ સંગઠનમાં યોગ્ય પદ આપવામાં આવશે. સૂત્રોએ જણાવ્યું કે માત્ર વિનેશ ફોગટ જ ચૂંટણી લડશે. બજરંગ પુનિયા ચૂંટણી નહીં લડે. વિનેશ ક્યાંથી ચૂંટણી લડશે તે હજુ સ્પષ્ટ નથી. કોંગ્રેસમાં જોડાતા પહેલા વિનેશ ફોગાટ અને બજરંગ પુનિયા મલ્લિકાર્જુન ખડગેને તેમના ઘરે મળ્યા હતા. આ બેઠક અડધા કલાકથી વધુ સમય સુધી ચાલી હતી.