ડેનિશ વડાપ્રધાન મેટ્ટે ફ્રેડરિકસેન પર હુમલો, પોલીસે એક વ્યક્તિની કરી ધરપકડ

ડેનમાર્કના વડાપ્રધાન મેટ્ટે ફ્રેડરિક્સન પર હુમલાખોરે હુમલો કર્યો હતો. આ ઘટના શુક્રવારે બની હતી. વડા પ્રધાન મધ્ય કોપનહેગનમાં એક કાર્યક્રમમાં હતા ત્યારે અચાનક એક વ્યક્તિએ તેમના પર હુમલો કર્યો. જોકે, આ હુમલામાં તેમને ઈજા થઈ ન હતી. બાદમાં પોલીસે હુમલાખોરની ધરપકડ કરી હતી. “વડાપ્રધાન મેટ્ટે ફ્રેડરિકસેન શુક્રવારે સાંજે કોપનહેગનના કલ્ટોરવેટમાં હતા ત્યારે તેમના પર એક વ્યક્તિ દ્વારા હુમલો કરવામાં આવ્યો હતો,” વડા પ્રધાનના કાર્યાલયે એક નિવેદનમાં જણાવ્યું હતું કે, હુમલાખોરને બાદમાં ધરપકડ કરવામાં આવી હતી આ ઘટનાથી વડાપ્રધાન આઘાતમાં છે.

પોલીસે સોશિયલ મીડિયા પ્લેટફોર્મ X પર જણાવ્યું હતું કે તેમણે પીએમ મેટે પર હુમલો કરવા બદલ એક વ્યક્તિની ધરપકડ કરી છે અને ઘટનાની તપાસ કરવામાં આવી રહી છે. હુમલા બાદ વડાપ્રધાન તણાવમાં જોવા મળ્યા હતા. ઘટના સ્થળની નજીકના એક આંતરછેદ પર બરિસ્ટા તરીકે કામ કરતા સોરેન કજેરગાર્ડે જણાવ્યું હતું કે હુમલા પછી તેમણે વડાપ્રધાનને સુરક્ષા કર્મચારીઓ દ્વારા ઘેરી લેતા જોયા હતા. યુરોપિયન યુનિયનની ચૂંટણીમાં ડેન્સના મતદાનના બે દિવસ પહેલા આ હુમલો થયો છે.

થોડા દિવસો પહેલા સ્લોવાકિયાના પીએમ પર પણ હુમલો થયો હતો

માત્ર ત્રણ અઠવાડિયા પહેલા સ્લોવાકિયાના વડાપ્રધાન રોબર્ટ ફિકો પર પણ જીવલેણ હુમલો થયો હતો. આ જીવલેણ હુમલામાં તે ગંભીર રીતે ઘાયલ થયો હતો. તેને ઘણી વખત ગોળી વાગી હતી. જોકે, તેને તાત્કાલિક હોસ્પિટલમાં દાખલ કરવામાં આવ્યો હતો. તેને પણ હવે રજા આપવામાં આવી છે. ડેનિશ પર્યાવરણ પ્રધાન મેગ્નસ હ્યુનિકે ટ્વિટર પર કહ્યું: “પીએમ મેટ્ટે આ હુમલા પછી સ્વાભાવિક રીતે આઘાત અનુભવ્યો છે. આ એક એવો હુમલો છે જેણે અમને બધાને આંચકો આપ્યો છે.