સંત રવિદાસ જન્મજયંતિ સમારોહમાં પીએમ મોદીએ કહ્યું, ‘દલિતો અને વંચિતોનો વિકાસ એ સરકારની પ્રાથમિકતા છે’

વડાપ્રધાન નરેન્દ્ર મોદીએ વારાણસીમાં સંત રવિદાસની જન્મજયંતિની ઉજવણીમાં હાજરી આપી હતી. તેમણે સંત રવિદાસ જન્મસ્થળના વિકાસ માટે ઘણી યોજનાઓનું ઉદ્ઘાટન અને શિલાન્યાસ કર્યું હતું. આ પ્રસંગે તેમણે કહ્યું કે દલિતો અને વંચિતોનો વિકાસ તેમની સરકારની પ્રાથમિકતા છે. વિભાજિત ભારતમાં સંત રવિદાસે નવી ઉર્જા ભરી.

વિભાજિત ભારતને સંત રવિદાસે નવી ઉર્જા આપી

વડાપ્રધાન નરેન્દ્ર મોદીએ કહ્યું, “ભારતનો એક ઈતિહાસ છે, જ્યારે પણ દેશને જરૂર પડે છે ત્યારે ભારતમાં કોઈક સંત, ઋષિ, મહાન વ્યક્તિત્વનો જન્મ થાય છે. સંત રવિદાસજી એ ભક્તિ આંદોલનના મહાન સંત હતા. જેમણે નબળાઓને નવી ઉર્જા આપી હતી.જેમને નબળા અને વિભાજિત થઈ ગયેલા ભારતને નવી ઊર્જા આપી હતી.રવિદાસજીએ સમાજને સ્વતંત્રતાનું મહત્વ પણ જણાવ્યું અને સામાજિક વિભાજનને દૂર કરવાનું કામ પણ કર્યું. ઊંચ-નીચ, અસ્પૃશ્યતા, ભેદભાવ… આ બધા સામે તેમણે અવાજ ઉઠાવ્યો.

સંત રવિદાસજી કોઈ આસ્થા કે ધર્મ સુધી સીમિત ન હોઈ શકે

પીએમ મોદીએ કહ્યું કે સંત રવિદાસજીને ધર્મ, સંપ્રદાય કે વિચારધારાની મર્યાદામાં સીમિત ન કરી શકાય. રવિદાસ જી દરેકના છે. પીએમ મોદીએ કહ્યું કે સમાનતા વંચિત સમાજને પ્રાથમિકતા આપવાથી આવે છે. તેથી, છેલ્લાં દસ વર્ષમાં જે લોકો વર્ગ વિકાસની મુખ્ય ધારાથી બને તેટલા દૂર રહ્યા હતા. પહેલા જે ગરીબો છેલ્લા ગણાતા અને સૌથી ઓછા ગણાતા હતા, આજે તેમના માટે સૌથી મોટી યોજનાઓ બનાવવામાં આવે છે.