આગ્રા-લખનૌ હાઈવે પર વધુ એક અકસ્માત, બસ ટ્રક સાથે અથડાઈ, 3ના મોત અને 87 ઘાયલ
ઉત્તર પ્રદેશમાં આગ્રા-લખનૌ એક્સપ્રેસ વે પર ગુરુવારે મોડી રાત્રે એક ભયાનક માર્ગ અકસ્માત થયો હતો. અહીં એક ટુરિસ્ટ બસ રેતીના ટ્રક સાથે અથડાઈ હતી. આ અકસ્માતમાં 87 લોકો ઘાયલ થયા હતા, જ્યારે ત્રણ લોકોના ઘટનાસ્થળે જ મોત થયા હતા. આ ઘટના પોલીસ સ્ટેશનના નાગલા ખાગર વિસ્તારના આગરા લખનૌ એક્સપ્રેસ વેના પિલર-59 પાસે બની હતી.
બસમાં 150 લોકો સવાર હતા
અકસ્માત એટલો ગંભીર હતો કે બસ ડ્રાઇવર સહિત ત્રણ લોકોના ઘટનાસ્થળે જ મોત થયા હતા, જ્યારે બસમાં મુસાફરી કરી રહેલા 87 લોકો ઘાયલ થયા હતા. તમને જણાવી દઈએ કે બસમાં 150 લોકો મુસાફરી કરી રહ્યા હતા. દુર્ઘટનાની માહિતી મળતાની સાથે જ પોલીસ ઘટનાસ્થળે પહોંચી અને તમામ ઘાયલોને સૈફઈ અને શિકોહાબાદની હોસ્પિટલમાં દાખલ કરવામાં આવ્યા હતા.
બસ ડ્રાઈવર સહિત ત્રણના મોત
વધુમાં જણાવ્યું કે આગ્રા-લખનૌ એક્સપ્રેસ વે પર બસ એક ટ્રક સાથે અથડાઈ હોવાનું જાણવા મળ્યું હતું. આ બસમાં લગભગ 150 લોકો હતા. બસના ચાલક સહિત ત્રણના ઘટનાસ્થળે જ મોત થયા હતા. તેમણે કહ્યું કે ઘાયલોને એમ્બ્યુલન્સની મદદથી હોસ્પિટલમાં દાખલ કરવામાં આવ્યા છે અને સુરક્ષિત લોકોને તેમના ગંતવ્ય સ્થાન પર મોકલવામાં આવ્યા છે. અકસ્માતનું કારણ જાણીને આગળની કાર્યવાહી કરવામાં આવશે.