અજીત ડોભાલ, રશિયા અને યુક્રેન વચ્ચે ચાલી રહેલા યુદ્ધને ઉકેલવા મોસ્કોની મુલાકાત લેશે

અજીત ડોભાલ, રશિયા અને યુક્રેન વચ્ચે ચાલી રહેલા યુદ્ધને ઉકેલવાના ઉદ્દેશ્ય સાથે ચર્ચા કરવા માટે 10 અને 11 સપ્ટેમ્બરના રોજ બે દિવસ માટે મોસ્કોની મુલાકાત લેશે. PM મોદી રશિયા અને યુક્રેન વચ્ચે ચાલી રહેલા યુદ્ધને અટકાવવા માટે શાંતિપૂર્ણરીતે ઉકેલ લાવવા માટે સતત તરફેણ કરી રહ્યા છે. તેમણે ઘણી વખત કહ્યું છે કે ભારત આ માટે દરેક પહેલ કરવા તૈયાર છે. આ દરમિયાન રશિયા યુદ્ધના શાંતિપૂર્ણરીતે ઉકેલ માટે ભારતના રાષ્ટ્રીય સુરક્ષા સલાહકાર (NSA) અજીત ડોભાલ શાંતિદૂત બનીને જશે.

રશિયા અને યુક્રેન બંનેની મુલાકાત લઈને શાંતિ પ્રયાસોમાં: વડા પ્રધાન નરેન્દ્ર મોદી તાજેતરના મહિનાઓમાં રશિયા અને યુક્રેન બંનેની મુલાકાત લઈને શાંતિ પ્રયાસોમાં સક્રિયપણે સામેલ છે. રશિયાની તેમની જુલાઈની મુલાકાત દરમિયાન, તેમણે રાષ્ટ્રપતિ વ્લાદિમીર પુતિનને ભારપૂર્વક જણાવ્યું હતું કે “આ યુદ્ધનો યુગ નથી.” તેવી જ રીતે, ઓગસ્ટમાં, મોદીએ રાષ્ટ્રપતિ વોલોડીમિર ઝેલેન્સકી સાથે મુલાકાત કરવા માટે કિવની યાત્રા કરી, શાંતિની સુવિધા માટે ભારતની પ્રતિબદ્ધતાને પુનઃપુષ્ટિ કરી.