હિન્દી અને ગુજરાતી બાદ તેલુગુ ભાષા બની અમેરિકામાં સૌથી વધુ બોલાતી ભારતીય ભાષા

તેલુગુ અમેરિકામાં 11મી સૌથી વધુ બોલાતી વિદેશી ભાષા બની છે. તે હિન્દી અને ગુજરાતી પછી અમેરિકામાં ત્રીજી સૌથી વધુ બોલાતી ભારતીય ભાષા છે. અહીં તેલુગુ ભાષી સમુદાયની વસ્તી વધી છે. છેલ્લા આઠ વર્ષમાં અમેરિકામાં તેલુગુ ભાષીઓની વસ્તી લગભગ ચાર ટકા વધી છે. યુએસ સેન્સસ બ્યુરોના ડેટાના આધારે આંકડાકીય અહેવાલમાં આ વાત સામે આવી છે. જેમાં એવું કહેવાય છે કે ચોથી પેઢીના ઈમિગ્રન્ટ્સથી લઈને નવા આવેલા વિદ્યાર્થીઓમાં તેલુગુ ભાષા બોલવામાં વધારો થયો છે. વર્ષ 2016માં અમેરિકામાં 3.2 લાખ તેલુગુ ભાષી લોકો હતા, જે આઠ વર્ષમાં એટલે કે 2024માં વધીને 12.3 લાખ થઈ ગયા છે.

કેલિફોર્નિયામાં સૌથી વધુ તેલુગુ ભાષી વસ્તી

કેલિફોર્નિયામાં સૌથી વધુ તેલુગુ ભાષી 2 લાખની વસ્તી છે. આ પછી ટેક્સાસમાં તેલુગુ સૌથી વધુ બોલાય છે. અહીં તેલુગુ બોલનારાઓની વસ્તી 1.5 લાખ છે અને ન્યુ જર્સીમાં તે 1.1 લાખ છે. તેલુગુ અમેરિકામાં 11મી સૌથી વધુ બોલાતી વિદેશી ભાષા છે. અહીં બોલાતી 350 ભાષાઓમાંથી તે 11મી સૌથી વધુ બોલાતી વિદેશી ભાષા બની ગઈ છે.

તેનું કારણ અહીં મોટી સંખ્યામાં તેલુગુ વિદ્યાર્થીઓ આવતા હોય છે. મીડિયા રિપોર્ટ્સ અનુસાર, દર વર્ષે લગભગ 60 થી 70 હજાર વિદ્યાર્થીઓ અને 10,000 H1B વિઝા ધારકો અમેરિકા આવે છે. અન્ય એક અહેવાલ અનુસાર, અમેરિકામાં તેલંગાણા અને આંધ્રપ્રદેશમાંથી આવતા વિદ્યાર્થીઓનો સૌથી મોટો સમુદાય છે. અમેરિકા આવતા વિદ્યાર્થીઓમાંથી 12.5 ટકાથી વધુ આંધ્ર અને તેલંગાણાના વિદ્યાર્થીઓ છે.