હાર્દિક સાથે છૂટાછેડાની જાહેરાત બાદ નતાશા સર્બિયાના રસ્તાઓ પર સાઇકલ પર નીકળી, શેર કર્યો વીડિયો

સર્બિયન મોડલ અને અભિનેત્રી નતાશા સ્ટેનકોવિક અને ક્રિકેટર હાર્દિક પંડ્યાએ તાજેતરમાં જ તેમના છૂટાછેડાની જાહેરાત કરી છે. આ કપલે સોશિયલ મીડિયા પર છૂટાછેડાની જાહેરાત કરી હતી. બંનેએ એક સંયુક્ત નિવેદન બહાર પાડીને એકબીજાથી અલગ થયાની વાત કરી હતી. દંપતીની આ જાહેરાતથી તેમના ચાહકો આશ્ચર્યચકિત થઈ ગયા. ઘણા સમયથી હાર્દિક અને નતાશા વચ્ચે તણાવના સમાચાર હતા, જે આખરે સાચા સાબિત થયા. છૂટાછેડાની જાહેરાતના એક દિવસ પહેલા નતાશા સર્બિયાની ફ્લાઈટમાં બેસી ગઈ હતી. તેના પુત્ર અગસ્ત્ય સાથે સર્બિયા પહોંચતા જ તેણે તેના અને હાર્દિકના નિર્ણય વિશે તેના ચાહકોને એક પોસ્ટ દ્વારા જાણ કરી હતી. સર્બિયા ગયા બાદથી નતાશા સતત કોઈને કોઈ પોસ્ટ શેર કરી રહી છે.

છૂટાછેડાની જાહેરાત બાદ હવે નતાશાએ ઈન્સ્ટાગ્રામ પર એક વીડિયો શેર કર્યો છે. નતાશાએ આ વીડિયો અને તસવીરો તેની ઈન્સ્ટાગ્રામ સ્ટોરી પર શેર કરી છે, જેમાંથી એકમાં તે જીમમાં વર્કઆઉટ કરતી જોવા મળી રહી છે. તેણે એક વીડિયો પણ શેર કર્યો છે, જેમાં નતાશા હેડફોન પહેરીને સાઈકલ ચલાવતી જોઈ શકાય છે. નતાશા સાઈકલ ચલાવી રહી છે અને નજારો માણી રહી છે અને તેના ચહેરા પર સ્મિત પણ દેખાઈ રહ્યું છે. તે સંગીત સાંભળતી વખતે સર્બિયાના રસ્તાઓ પર સાયકલ ચલાવતી જોવા મળે છે. આ પહેલા નતાશાએ પુત્ર અગસ્ત્યનો એક વીડિયો શેર કર્યો હતો, જેમાં તે ગાર્ડનમાં બોલ સાથે રમતા જોવા મળ્યો હતો.