હવામાં ઉડી રહેલા 2 વિમાનો વચ્ચે થઇ જોરદાર ટક્કર, ઘટનામાં એક પાયલોટનું મોત

અમેરિકામાં એક ભયાનક પ્લેન અકસ્માત થયો છે. અધિકારીઓએ જણાવ્યું હતું કે, ગુરુવારે દક્ષિણ ઇડાહોમાં એક એરપોર્ટ નજીક પાક વહન કરતા વિમાનો અથડાયા હતા. ટક્કર બાદ બંને વિમાન જમીન પર પડી ગયા હતા. આ અકસ્માતમાં એક પાયલોટનું મોત થયું હતું અને બીજાને જીવલેણ ઈજાઓ થઈ હતી. બટ્ટે કાઉન્ટી શેરિફ ઓફિસે જણાવ્યું હતું કે ક્રેશ બપોરે 12:30 વાગ્યાની આસપાસ થયો હતો.

પાઇલટ્સના નામ ગુપ્ત રાખવામાં આવ્યા છે 

અધિકારીઓએ આ અકસ્માતને દુ:ખદ ગણાવ્યો છે. તેમણે કહ્યું કે જ્યાં સુધી તેમના પરિવારજનોને જાણ કરવામાં ન આવે ત્યાં સુધી પાઈલટોના નામ ગુપ્ત રાખવામાં આવ્યા છે.