મક્કામાં કાળઝાળ ગરમીને કારણે 900 હજયાત્રીઓના મોત

સાઉદી અરેબિયામાં હાલમાં આકરી ગરમી પડી રહી છે, તાપમાન 52 ડિગ્રી સેલ્સિયસ પર પહોંચી ગયું છે. વિશ્વભરમાંથી 18 લાખથી વધુ હજ યાત્રીઓ હજ યાત્રા માટે મક્કા અને મદીના પહોંચ્યા છે. આ યાત્રિકો આ સમયગાળામાં ગરમીના કહેરનો સામનો કરી રહ્યા છે. સ્થિતિ એટલી વિકટ બની ગઈ છે કે મક્કા અને મદીનામાં ગરમીના કારણે 900થી વધુ હજ યાત્રીઓએ જીવ ગુમાવ્યા છે. મોટાભાગના મૃતક હજ યાત્રીઓ ઇજિપ્તના હતા. તે જ સમયે, 68 ભારતીય નાગરિકો પણ તેમાં સામેલ છે.

અહેવાલો અનુસાર, દેશમાં કુલ મૃત્યુઆંક 900 પર પહોંચી ગયો છે. રાજદ્વારીઓ પાસેથી મળેલી માહિતી અનુસાર મૃત્યુ પામેલા મુસાફરોમાંથી 60 જોર્ડનના નાગરિક હતા. 

#BREAKING ⚠️ GRAPHIC IMAGES. Several dead bodies of #Hajj pilgrims can be seen in this video now viral on social. Will the #Saudi regime be held accountable? They promote this Islamist tourism & make billions from it. But as of yet, I haven't seen much media coverage of this! pic.twitter.com/wfOO9OFGKv

— Taha Siddiqui (@TahaSSiddiqui) June 17, 2024

68 ભારતીય નાગરિકોના મોત થયા હતા

આ વર્ષે ભારતમાંથી લગભગ 1 લાખ 75 હજાર લોકો પવિત્ર હજ યાત્રા માટે સાઉદી અરેબિયા પહોંચ્યા હતા. જેમાંથી 68 હજ યાત્રીઓના મોત થયા હતા. આ દરમિયાન સાઉદી અરેબિયામાંથી એક વીડિયો સામે આવી રહ્યો છે જેમાં તીર્થયાત્રીઓના મૃતદેહો રસ્તાના કિનારે તડકામાં પડેલા જોવા મળે છે.