મહારાષ્ટ્રમાં ઝિકા વાયરસના 3 નવા કેસ, અત્યાર સુધીમાં 12 કેસ નોંધાયા, જાણો કેમ છે આ ચેપ ખતરનાક
મહારાષ્ટ્રના પુણેમાં ઝિકા વાયરસના ત્રણ નવા કેસ નોંધાયા છે. રાજ્યમાં અત્યાર સુધીમાં આ વાયરસના ચેપના 12 કેસ નોંધાયા છે. પુણે મ્યુનિસિપલ કોર્પોરેશનના આરોગ્ય અધિકારી કલ્પના બળવંતે આ માહિતી આપી હતી. મહારાષ્ટ્રમાં ઝીકા વાયરસના કેસ સામે આવ્યા બાદ અન્ય રાજ્યોને પણ સતર્ક રહેવા માટે કહેવામાં આવ્યું છે. ગયા અઠવાડિયે, કેન્દ્રીય આરોગ્ય મંત્રાલયે તમામ રાજ્યોને સલાહ આપી હતી અને તેમને પરિસ્થિતિ પર સતત નજર રાખવાનો નિર્દેશ આપ્યો હતો.
રાજ્યોને સગર્ભા સ્ત્રીઓના ઝીકા વાયરસ પરીક્ષણ પર ધ્યાન આપવા અને ચેપગ્રસ્ત મહિલાઓના ગર્ભ વિકાસ પર નજર રાખવા વિનંતી કરવામાં આવી છે. આરોગ્ય સેવાઓના મહાનિર્દેશક ડૉ. અતુલ ગોયલ દ્વારા જારી કરાયેલ એડવાઈઝરી ઉપરાંત, મંત્રાલયે આરોગ્ય સંસ્થાઓને નોડલ અધિકારીની નિમણૂક કરવાનો પણ નિર્દેશ આપ્યો હતો જે એડિસ મચ્છરોના ઉપદ્રવથી પરિસરને મુક્ત રાખવા માટે દેખરેખ રાખશે અને પગલાં લેશે.
You may also like
