પાટણ માં ડબલ ઋતુના કારણે પાટણ સિવિલમાં રોજના 500 થી વધુ કેસો વાયરલ ઇન્ફેક્શનના

છેલ્લા એક મહિનામાં કુલ 16,181 દર્દીઓએ સારવાર લીધી

પાટણ શહેર અને જિલ્લામાં છેલ્લા કેટલાક દિવસો થી લોકો મિશ્ર ઋતુનો અનુભવ કરી રહ્યા છે.

દિવસે ગરમી અને રાત્રે ઠંડીના કારણે લોકો માં વાયરલ ઈન્ફેક્શનનો ફેલાવો વધ્યો છે.

શહેરની સરકારી હોસ્પિટલમાં દરરોજ 500 થી વધુ દર્દીઓ સારવાર માટે આવી રહ્યા છે; હવામાન વિભાગે તાપમાનમાં ત્રણ ડિગ્રીનો વધારો થવાની આગાહી કરી છે. બપોર સુધી સૂર્યનો તાપ વધુ રહે છે. સાંજ પડતા જ ઠંડી શરૂ થઈ જાય છે. આ કારણે લોકોમાં શરદી-ખાંસી અને તાવના કેસો વધ્યા છે. પાટણની જનરલ સિવિલ હોસ્પિટલમાં છેલ્લા એક મહિનામાં કુલ 16,181 દર્દીઓએ સારવાર લીધી છે. આમાં 11,728 નવા દર્દીઓ અને 4,453 જૂના દર્દીઓનો સમાવેશ થાય છે. સિવિલ હોસ્પિટલમાં શરદી-ખાંસી, તાવ અને ઝાડા-ઉલટીના 1,206 કેસો નોંધાયા છે.

મિશ્ર ઋતુની અસરને કારણે સિવિલ હોસ્પિટલના ઈન્ડોર વિભાગમાં પણ દર્દીઓની સંખ્યા વધી છે. ડૉક્ટરોના મતે આ સમયે લોકોએ પોતાની રોગપ્રતિકારક શક્તિ વધારવા માટે સાવચેતી રાખવા માટે લીબું પાણીનું સેવન, બહારના તળેલા ફરસાણ, ફાસ્ટ ફૂડ ન આરોગવા અને વાયરલ ઈન્ફેકશન ના દર્દીઓએ સમયસર ની સારવાર લેવા જણાવાયું છે.