કડીમાં CMની ઉપસ્થિતિમાં પૂર્વ નાયબ મુખ્યમંત્રી નીતિન પટેલના જન્મદિનને રજત તુલા કરાઈ

ગુજરાત રાજ્યના પૂર્વ નાયબ મુખ્યમંત્રી અને કડીના પનોતા પુત્ર નીતિન પટેલના 68મા જન્મદિવસ નિમિત્તે તેમની રજત તુલા કરવામાં આવી હતી. કડીના ટાઉનહોલ સહિત તાલુકા તેમજ શહેરની અંદર કુલ સાત જગ્યાએ બ્લડ ડોનેશન કેમ્પનું પણ આયોજન કરવામાં આવ્યું હતું.

બ્લડ ડોનેશન કેમ્પનું આયોજન છેલ્લા નવ વર્ષથી 27 સમાજ સરદાર યુવક મંડળ દ્વારા કરવામાં આવે છે અને આ વર્ષે 10 વર્ષ પૂર્ણ થતા દશાબ્દી મહોત્સવનું આયોજન પણ કરવામાં આવ્યું હતું. કડી ભારતીય જનતા પાર્ટી અને કડીના ઉદ્યોગપતિઓ અને નગરજનો દ્વારા પૂર્વ નાયબ મુખ્યમંત્રીની રજત તુલા કરવામાં આવી હતી.

ગુજરાત રાજ્યના મુખ્યમંત્રી ભૂપેન્દ્ર પટેલ તેમજ ગુજરાત પ્રદેશ ભાજપ અધ્યક્ષ સી.આર. પાટીલ ખાસ ઉપસ્થિત રહ્યા હતા. સાથે સાથે ગુજરાતના નામાંકિત ઉદ્યોગપતિઓ, સાંસદ, આગેવાનો, 10થી પણ વધુ ધારાસભ્યો, કેબિનેટ મંત્રીઓ તેમજ શહેરીજનો ઉપસ્થિત રહ્યા હતા. આ કાર્યક્રમમાં રાજકીય જમાવડો જોવા મળ્યો હતો.