![](https://www.rakhewaldaily.com/wp-content/uploads/2022/11/Rakhewal-334.jpg)
કડીમાં હાર્ડવેરની દુકાનમાં નેરોલેક કંપનીના નામે ડુપ્લીકેટ કલર વેચવાનું કૌભાંડ ઝડપાયું
કડી શહેરના ગાંધીચોકમાં આવેલી 40 વર્ષ જૂની હાર્ડવેરની પેઢી મે.પ્રહલાદ છનાલાલની દુકાનમાંથી નેરોલેક કંપનીના લીગલ સેલે શનિવારે ગ્રાહક બની રેડ પાડી હતી અને રૂ.1.50 લાખની કિંમતના નેરોલેક કંપનીના નામે વેચતા ડુપ્લીકેટ કલરના 38 ડ્રમ જપ્ત કરી વેપારી વિરુદ્ધ ફરિયાદ નોંધાવતાં પોલીસે વધુ તપાસ હાથ ધરી છે.
મે.પ્રહલાદ છનાલાલની હાર્ડવેરની પેઢીના સંચાલકો નેરોલેક કંપનીના નામે ડુપ્લીકેટ કલર કંપનીના પડતર ભાવથી પણ નીચા ભાવે બજારમાં વેચતા હતા. જે અંગેની રજૂઆત કોઇ ગ્રાહક દ્વારા કરાતાં નેરોલેક કંપનીના લીગલ સેલ આર.કે. એસોસીએટના હેડ રચના કપૂર અને અમીતભાઈ છેલ્લા ત્રણ દિવસથી કડીમાં વિવિધ હાર્ડવેરની દુકાનોમાં સર્ચ કામગીરી કરી રહ્યા હતા. શહેરના ગાંધીચોક પોલીસ ચોકી પાસે આવેલ મે.પ્રહલાદ છનાલાલની કંપનીમાં નેરોલેક કંપનીનો કલર લેવા ગ્રાહક બની ગયા હતા.