વિજાપુરમાંથી 8,બળવંતપુરામાંથી 6 જુગારી ઝબ્બે

નવા વર્ષમાં જ જુગાર રમી રહેલા વિજાપુર શહેરના ડફેર દંગામાંથી 8 અને મહેસાણા તાલુકાના બળવંતપુરા ગામેથી 6 જુગારીઓને પોલીસે જુગાર રમતા ઝડપી પાડ્યા હતા. પેટ્રોલિંગમાં નીકળેલી લાંઘણજ પોલીસે બાતમીને આધારે મહેસાણા તાલુકાના બળવંતપુરા ગામે પ્રાથમિક સ્કૂલના પાછળના ખુલ્લા ખરાબામાં રેડ કરીને જુગાર રહી રહેલા 6 જુગારીઓને ઝડપી પાડ્યા હતા.

જ્યારે અન્ય એક કેસમાં વિજાપુરના ઝવેરી રોડ પર આવેલા ડફેર દંગામાં સ્ટ્રીટ લાઈટના અજવાળે જુગાર રમતા 8 જેટલા શખ્સો પીઆઇ વનરાજસિંહ ચાવડા અને તેમની ટીમના હાથે હાથે ઝડપાઈ ગયા હતા પોલીસે બંને જગ્યાએથી 40 હજાર ઉપરાંતનો મુદ્દામાલ કબજે કરી તમામ જુગારીઓ સામે જુગારધારા કલમ મુજબ કાર્યવાહી હાથ ધરી હતી.