By ઓઈલ એન્ડ નેચરલ ગેસ કોર્પોરેશન મહેસાણા એસેટ દ્વારા નુગર ગામ પાસે આવેલા એક્સપ્લોરેટરી વેલ JNYB (રિગ E-760-18) ખાતે ઈમરજન્સી સજ્જતા અને ડિઝાસ્ટર મેનેજમેન્ટ પ્લાનની અસરકારકતાનું મૂલ્યાંકન કરવા માટે એક લાઈવ ઓફસાઈટ મોક ડ્રિલનું સફળ આયોજન કરવામાં આવ્યું હતું. આ કવાયત દરમિયાન કૂવામાં ‘વેલ કિક’ અને ત્યારબાદ ‘બ્લોઆઉટ’ જેવી સ્થિતિનું નિર્માણ કરી ONGC અને રાજ્ય વહીવટીતંત્રની વિવિધ એજન્સીઓના ત્વરિત પ્રતિસાદ અને સંકલનનું પરીક્ષણ કરવામાં આવ્યું હતું.
આ ઓપરેશનની મુખ્ય વિગતો મુજબ, ડ્રિલ દરમિયાન બ્લોઆઉટ પ્રિવેન્ટર (BOP) ને તાત્કાલિક સક્રિય કરવામાં આવ્યું હતું. અને કટોકટીમાં ફસાયેલા 3 ઈજાગ્રસ્ત કર્મચારીઓના સફળ બચાવ સહિત તમામ ક્રૂ મેમ્બરોનું સલામત સ્થળાંતર કરવામાં આવ્યું હતું. આ કામગીરીમાં ONGC ની ક્રાઈસીસ મેનેજમેન્ટ ટીમ (CMT), સેન્ટ્રલ ફાયર સ્ટેશન, મેડિકલ ટીમ અને જિલ્લા વહીવટીતંત્રની ડિઝાસ્ટર ઓથોરિટી, મહેસાણા નગરપાલિકાનું ફાયર ટેન્ડર તેમજ 108 એમ્બ્યુલન્સ વચ્ચે ઉત્કૃષ્ટ સંકલન જોવા મળ્યું હતું.
CMT દ્વારા વેલ-કંટ્રોલના ચોક્કસ પગલાં બાદ સ્થિતિ પર કાબૂ મેળવાયો હતો. અને સંપૂર્ણ ગેસ ડિટેક્શન બાદ સાઇટને સુરક્ષિત જાહેર કરી “ઓલ ક્લિયર” સિગ્નલ આપવામાં આવ્યું હતું. આ લાઈવ મોકડ્રિલના નિરીક્ષણ માટે ONGC મહેસાણાના એક્ઝિક્યુટિવ ડાયરેક્ટર અને એસેટ મેનેજર સુનિલ કુમાર, મામલતદાર ગૌતમ વાણિયા તેમજ જિલ્લા પ્રોગ્રામ ઓફિસર કિંજલ પ્રજાપતિ ખાસ ઉપસ્થિત રહ્યા હતા. આ ઉપરાંત ONGC ના અન્ય વરિષ્ઠ અધિકારીઓ અને વિવિધ વિભાગના વડાઓએ પણ હાજર રહી ટીમના સામૂહિક પ્રયાસો અને ઓપરેશનની સફળતાને બિરદાવી હતી.
