By વિસનગર શહેરમાં એક ચાલતી મારૂતિ વાનમાં અચાનક આગ લાગવાની ઘટના સામે આવી છે. આદર્શ વિદ્યાલય પાસે પહોંચતા જ વાહનમાં અચાનક આગ ભભૂકી ઊઠી. ડ્રાઈવર તત્કાળ સમયસૂચકતા દાખવીને વાહન ઊભું રાખ્યું અને ગાડીમાંથી બહાર નીકળી ગયા હતા. આગની ઘટનાથી આસપાસના વિસ્તારમાં અફરાતફરી મચી ગઈ અને લોકોના ટોળા એકત્ર થઈ ગયા હતા. ઘટનાની જાણ થતાં જ વિસનગર ફાયર બ્રિગેડની ટીમ ફાયર ઇન્સ્પેક્ટરના નેતૃત્વમાં તાત્કાલિક ઘટનાસ્થળે પહોંચી હતી. ફાયર ટીમે પાણીનો મારો ચલાવીને આગ પર કાબૂ મેળવ્યો હતો. આગને કારણે વાહનને નુકસાન થયું છે. ફાયર ઇન્સ્પેક્ટરના જણાવ્યા મુજબ, આ આગ શોર્ટ સર્કિટને કારણે લાગી હોવાનું પ્રાથમિક તપાસમાં સામે આવ્યું છે.
